प्रशासन शाखा

परिचय:-

नेपाल प्रहरी प्रधान कार्यालय, अपराध अनुसन्धान विभाग अन्तर्गत व्यवस्थित अनुसन्धान र समन्वयका लागि विभिन्न निर्देशनालयहरू, महाशाखाहरू एवं शाखाहरू छन् । प्रशासन शाखा ती मध्ये एक महत्त्वपूर्ण शाखा हो, जसले विभागको आन्तरिक प्रशासनिक कामहरू सम्हाल्छ । यस शाखाले मानव शक्ति व्यवस्थापन, कार्यालय सञ्चालन, प्रशासनिक सहायता, साधन सामग्री व्यवस्थापन, र कर्मचारी समन्वय समेत सम्हाल्ने गर्छ । विभागीय नीति, निर्देशन, निर्देशनालय महाशाखा तथा शाखाहरूबिच सहकार्यको समन्वय गरी विभाग सञ्चालनलाई दक्ष बनाउने भूमिका प्रशासन शाखाको मुख्य जिम्मेवारी हो ।

 

प्रशासन शाखाको कार्य विवरण:-

• विभागमा कार्यरत प्रहरी अधिकृत तथा जवानहरूको तिनपुस्ते अभिलेख राख्‍ने ।
• अपराध अनुसन्धान समूहमा कार्यरत प्रहरी कर्मचारीहरूको आवश्यकता अनुसार सरुवा र स्थानान्तरणको सिफारिस नेपाल प्रहरी प्रधान कार्यालय, मानवश्रोत विकास विभागमा पठाउने तथा मातहतमा सिफारिस भई आए बमोजिम काज सरुवाको लागि आदेश प्रदान गर्ने ।
• प्रहरी ऐन, नियम, संगठनको नीति निर्देशन तथा निर्देशिका विपरीत कार्य गर्ने कर्मचारीहरूलाई विभागीय कारबाहीको लागि सिफारिस गर्ने ।
• मातहत कर्मचारीहरूको रेखदेख, नियन्त्रण, पिर मर्का व्यवस्थापन गर्ने ।
• अपराध अनुसन्धान कार्यमा सक्षम तथा दक्ष प्रहरी कर्मचारीहरूको छुट्टै अभिलेख राख्‍ने, राख्‍न लगाउने ।
• तोकिए बमोजिम कार्य सम्पादन मूल्याङ्कन गर्ने/गराउने, अभिलेख राख्‍ने तथा सम्बन्धित निकायमा पठाउने ।
• अपराध अनुसन्धान विभाग अन्तर्गतका निर्देशनालय, महाशाखा तथा शाखाहरूमा कार्यरत प्रहरी कर्मचारीहरूलाई विभिन्न स्वदेश/विदेश तालीमहरूमा सहभागी गराउने ।
• यस शाखामा प्राप्त हुन आएका उजुरी, निवेदन तथा पत्रहरू विभागिय प्रमुख समक्ष जाहेर गरी तोक आदेश भए बमोजिम सम्बन्धीत शाखामा कार्यान्वयनको लागि पठाउने ।
• दर्ता/चलानी, नियमित हाजिरी, विदा, सरसफाई लगायतका पक्षहरूलाई व्यवस्थित गर्ने ।
• विभागीय प्रमुखको निर्देशनमा आवश्यकता अनुसार समितिहरू गठन गर्ने ।
• विभाग तथा प्रत्यक्ष मातहतका कार्यालयहरूको प्रशासनिक कामका सम्बन्धमा तालुक कार्यालय तथा मातहत कार्यालयहरूमा आवश्यक सहजीकरण गर्ने ।
• विभागबाट आयोजना हुने सम्मेलन, गोष्ठी, अन्तर्क्रिया, छलफल लगायतका अन्य विविध कार्यक्रमहरूमा आवश्यक सहजीकरणका कार्यहरू गर्ने ।
• कानून बमोजिम तोकिएका अन्य प्रशासनिक कार्यहरू गर्ने ।

 

कार्यरत दर्जागत विवरण:-

प्रनाउ	प्रनि	प्रबनानि	प्रनानि	प्रसनि	प्रबह	प्रह	प्रसह	प्रज	प्रकास	जम्मा
	१		१	१	१		२			६