कर्तव्य ज्यान,

झापा, मिति २०८२।०७।१३ गते १०:४० बजे मेचिनगर न.पा.१३ हातेमालो सामुदायिक वन निचाझोडा स्थित चारआली-भद्रपुर सडकखण्डबाट अं.२०० मिटर पश्चिम जंगलमा नं.नखुलेको कारमा आगो लगाई जलिरहेको अवस्थामा स्थानीयले देखी ऐ.११:०० बजे प्र.चौ.चारआलीमा जानकारी गराएको हुँदा प्र.ना.नि.को कमाण्डमा र इ.प्र.का.धुलाबारीबाट प्र.नि.को कमाण्डमा टोली खटी गई स्थानीय र दमकलको सहयोगमा ऐ.११:१० बजे आगो नियन्त्रणमा लिएको, कार पूर्णरुपमा जली क्षति भएको, उक्त कार इ.प्र.का.धुलाबारीमा ल्याई राखिएको, ऐ.१९:३० बजे उक्त कारको सम्पूर्ण विवरणहरु हेरी भेरिफाई गर्दा मिति २०८२।०७।१० गते जि.झापा शिवसताक्षी न.पा.१० माईधार बस्ने वर्ष ३३ को सरोज शर्माले घरमा कोही कसैलाई जानकारी नगराई घरबाट लिएर हिँडेको बागमती प्र.०१-०३० च ७१०४ नं.को कार रहेको भनी पुष्टि भएको, निज सरोज शर्मा प्रहरीको सम्पर्कमा नरहेकोले ऐ.१४ गते शंकास्पद ऐ.शिवसताक्षी न.पा.१० बस्ने वर्ष २७ को सुनिल साह र ऐ.बस्ने वर्ष २४ को राहुल साहलाई नियन्त्रणमा लिई अनुसन्धान भइहरेकोमा, ऐ.१५ गते ०९:०० बजे ऐ.झापा गा.पा.५ र बाह्रदर्शी गा.पा.२ को सिमाना बिरिङ्ग खोलाको पुलमूनि निज सरोज शर्माको शव गाडिएको अवस्थामा फेला परेको, इ.प्र.का.कुमरखोदबाट प्र.ना.नि.र जि.प्र.का.बाट प्र.ना.उ.को कमाण्डमा टोली खटी गई कानुनी प्रकृया पूरा गरी शव पो.मा.को लागि प्रादेशिक अस्पताल भद्रपुर पठाइएको, उक्त स्थान इ.प्र.का.कुमरखोदबाट अं.५ कि.मि.पूर्व पर्ने, साथै ऐ.११:२५ बजे ऐ.शिवसताक्षि न.पा.१० माईधार स्थित सुनिल साहको घरमा निज सुनिल शर्माले शरोज शर्मालाई अपहरण गरेर हत्या गरी बिरिङ्ग खोलाको बगरमा गाडेको आरोप लगाई मृतकका आफन्तहरू अं.३०० जना भेलाजम्मा भई ढुङ्गामुडा गरेको, उक्त स्थानमा इ.प्र.का.झिलझिलेबाट प्र.नि.को कमाण्डमा ५६ जना, सशस्त्र बेस क्याम्प शनिश्चरेबाट स.प्र.ना.नि.को कमाण्डमा ११ जनाको टोली खटी गई सम्झाई बुझाई भइरहेकोमा ऐ १२:१० बजे सुनिल साह र राहुल साहको घरमा सामान्य तोडफोड भएको, मानविय घाईते कोही नभएको र मृतकको परिवार आफन्तहरूलाई सम्झाई बुझाई गरी तितरवितर भएको, ऐ. १३;३५ बजे निज सरोज शर्माको शव पो.मा. को लागि प्रादेशीक अस्पताल भद्रपुर, झापा बाट घो.पा.क्याम धरान सुनसरी पठाईएको ।

गुल्मी, मालिका गा.पा. ३ म्याल बस्ने वर्ष २३ को भोट ब. बि.क. ले आफ्नै बुवा वर्ष अं. ५२ को धन ब. बि.क. र  आमा वर्ष अं. ४९ की दिलमाया बि.क. लाई धारिलो हतियार (हसिया) र काठको किला ठोक्ने मुङग्रो प्रहार गर्दा निजको बुवा धन ब.बि.क.को घटनास्थलमै मृत्यु भएको र आमाको टाउकोमा चोट लागि उपचारको लागि जिल्ला अस्पताल तम्घास गुल्मी पठाई उपचार भइरहेको,अवस्था गम्भीर रहेको, उक्त स्थानमा प्र.चौ.अर्खवाङबाट प्र.स.नि.को कमाण्डमा र इ.प्र.का.पुर्कोटदह गुल्मीबाट प्र.नि.को कमाण्डमा टोली खटी गएको, निज कुटपिट गर्ने ब्यक्ति नियन्त्रणमा रहेको, निजको मानसिक सन्तुलन ठिक नभएको भन्ने बुझिएको ।

नवलपरासी पश्चिम, बर्दघाट न.पा.१ पुनर्बास बस्ने वर्ष ३४ को ले मा.प.से.गरी आफ्नै घरको आगनमा घरमा लगाउने टाईल, इट्टा र कोदालोको बिडले प्रहार गरी निजकै सहोदर दाई वर्ष ३६ को कृष्ण बहादुर शाहीलाई कर्तव्य गरी मारेको भनी ई.प्र.का.बर्दघाटमा खबर प्राप्त हुनासाथ ई.प्र.का.बर्दघाटबाट प्र.नि.को कमाण्डमा टोली खटी गएको, कर्तव्य गरी मार्ने चित्र बहादुर शाही इ.प्र.का.बर्दघाटको नियन्त्रणमा ।

धारिलो हतियार (चक्कु) प्रहार, कुटपिट,

सिरहा, जिल्ला सप्तरी कन्चनरुप न.पा.४ बकल टोल घर भई हाल जिल्ला सिरहा लहान न.पा.१ कृष्ण टोल बस्ने प्रलाद साहको घरमा डेरा गरी बस्ने बिजय परियारको छोरा अं.वर्ष ३२ को धिरज परियारले ऐ.लहान न.पा.१ कृषी बिकास बैंक देखी अं.२० मिटर पश्चिम स्थितमा आफ्नै श्रीमती मनिका परियार र छोरा मोहित परियारमाथि घरायसी वादविवादको कारण चक्कु प्रहार गर्दा निज मनिका परियारको दाहिने तर्फको काखीमा अं. ८ ईन्च जती काटिएको, अवस्था गम्भीर, निजको छोरा अं.वर्ष ९ को मोहित परियारको दाहिने हातको बुढी औलामा अं.२ ईन्च जती काटिएको, अवस्था सामान्य, दुवै जना घाईतेहरुको प्रादेशिक अस्पताल लहान सिरहामा लगेर उपचार भईरहेको,  निज चक्कु प्रहार गर्ने धिरज परियारलाई चक्कु सहित नियन्त्रणां लिई इ.प्र.का.लहानमा ल्याई थप अनुसन्धान कार्य भईरहेको, माईती पक्ष र ससुरा पक्षलाई जानकारी भईसकेको ।

पर्सा, छिपहरमाई गा.पा.-५ भिस्वा शिव मन्दिर स्थित दुई पक्ष बीच आपसी घरायसी बादबिवादको कारण  दाजुभाइ बिच झै-झगडा तथा कुटपिट हुँदा दुवै पक्षका ५ जना मानिसहरु घाइते ( गम्भीर १, मध्यम १, सामान्य ३) भई उपचारको लागि नारायणी अस्पताल बिरगंज  पठाइएको, उक्त स्थानमा प्र.चौ. भिष्वाबाट प्र.ना.नि.को कमाण्डमा टोली खटी गएको, कुटपिट गर्ने ऐ.बस्ने रामपारस साह व.प्र.का.बिर्ताको नियन्त्रणमा ।

काठमाण्डौ, का.म.न.पा.५ भत्केको पुल नजिकै नामथर, ठेगाना नखुलेको अं.वर्ष २५ को बेवारीसे पुरुष व्यक्तिलाइ अपरिचित समुहले कुटपिट गरि गम्भीर घाइते बनाएको र निज व्यक्तिको बाया निधारमा चोट, बाया गालामा चोट साथै टाउकोमा चोट लागेको र उक्त घाइतेलाइ उपचारका लागि ट्रमा सेन्टर लगी उपचार भईरहेको, बोल्न नसक्ने, अवस्था गम्भीर रहेको, कुटपिटमा संलग्न शंकास्पद ५ जनालाई नियन्त्रणमा लिइ अनुसन्धान भइरहेको ।

ज.ज.क.,

बझाङ, मिति २०८२/०७।१२ गतेको अं.२४:०० बजेको समयमा जिल्ला बझाङ  छबिसपाथिभेरा गा.पा. ०५ थलरा स्थित धने बोहराको खाली(मानिस नबस्ने) घरको कोठामा ऐ.ऐ. छबिसपाथिभेरा गा.पा.५ थलरा गाँउ बस्ने वर्ष अं. १९ को आनन्द धामीले  ऐ.ऐ. ०५ थलरा बस्ने वर्ष अं.१३ की परिवर्तित नाम चैनपुर १६(क)लाई ज.ज.क.गरेको भनि आज मिति२०८२।०७।१५ गतेको ०८:१० बजेको समयमा पिडितको बुवा परिवर्तित नाम चैनपुर १५(क) ले जाहेरी दरखास्त सहित यस का.मा जानकारी गराउना साथ तत्काल ज.ज.क. गर्ने आनन्द धामीलाई  प्रहरी टोलि खटिई   नियन्त्रणमा लिएको  ।

ला.औ.,

सुनसरी, इनरूवा न.पा.४ बसचौक स्थित पुर्व पश्चिम राजमार्गमा जि.प्र.का.सुनसरीबाट सादा पोशाकमा प्र.ब.ह. र अ.प्र.पोष्ट बसपार्कबाट प्र.ब.ह.को कमाण्डमा खटीएको संयुक्त चेकिङ टोलीले लौकहीबाट इनरुवा तर्फ आउदै गरेको को ३ प ६६२३ न.को मो.सा.लाई रोकी चेकजाँच गर्दा मो.सा.चालक जि.सुनसरी बराहक्षेत्र न.पा.१ बस्ने बिष्णु श्रेष्ठको छोरा अं. वर्ष ३४ को सुशिल श्रेष्ठको बाया हातमा कालो प्लास्टिकमा पोको पारी लुकाई छिपाई ल्याउदै गरेको अं. ५ ग्राम (ब्राउन सुगर जस्तो देखिने) लागुऔषध सहित मो.सा.,मो.सा.चालक र उक्त मो.सा.मा पछाडी सवार ऐ.बस्ने अनुप ताम्राकारको छोरा अं.वर्ष २७ को अहिम ताम्राकारलाई नियन्त्रणमा लिई जि.प्र.का.सुनसरीमा ल्याई राखेको ।