झडप,

रौतहट, परोहा न.पा. ९ रामपुर बिद्यालय रामपुरखाँप स्थितबाट सरस्वती पुजाको मुर्ती सेलाउनको लागि अं. ८०० को जनाको संख्यामा मुर्ती सहित ट्याक्टर, पिकअप , पैदल र्‍याली निकालेको, उक्त र्‍याली पटेलटोल रामपुर्वा हुँदै जामे मस्जिद क्रस गरी मस्जिद भन्दा अगाडी निस्किदा मुस्लिम समुदायको घरको छतमाथीबाट ढुङ्गा हान्दा दुई पक्ष बीच झडप भएको, उक्त झडप नियन्त्रणमा लिनको लागि नेपल प्रहरीबाट ग्यास गनबाट अं.६८ सेल फायर भएको, सट गनबाट रबर छर्रा १ राउण्ड फाईर भएको र सशस्त्र प्रहरीबाट ६ राउण्ड अश्रु ग्यास फाएर भएको,हालको अवस्था सामान्य रहेको, सम्झाई बुझाई भईरहेको, ढुङ्गा प्रहार गर्ने जि.रौतहट बौधिमाई न.पा.०७ बस्ने अं.वर्ष २३ को शेख ईब्राहिम जि.प्र.का.रौतहटको नियन्त्रणमा रहेको, उक्त स्थानमा जि.प्र.का. रौतहटबाट प्र.उ.को कमाण्डमा १५२ जनाको टोली र स.प्र.ना.उ.को कमाण्डमा ११७ जनाको टोली खटी गएकोमा ऐ.२२:०५ बजे सबै जना तितर बितर भई आ-आफ्नो घर तर्फ गएको, ऐ.१३ गते बिहान ०६:०० बजे सम्म प्र.ना.उ.को कमाण्डमा ४६ जनाको टोली खटिएको,अन्य प्रहरी टोली आ-आफ्नो कार्यालय तर्फ फिर्ता भएको,झडपको क्रममा ढुङ्गाले लागि जि.रौतहट परोहा न.पा.०९ रामपुरखाँप बस्ने सत्यनारायण ठाकुरको छोरा अं.वर्ष ३० को बिनोद शर्मा लगायत ११ जना घाइते भई प्रादेशिक अस्पताल गौर रौतहट पठाएकोमा उपचार पश्चात घाईते सबै जना डिस्चार्ज भई घर तर्फ गएको ।

जबरजस्ति करणी/ बाल यौन दुर्व्यवहार,

काठमाण्डौ, जि. सिन्धुली कमलामाई न.पा.७ घर भई हाल का.म.न.पा.१० बानेश्वर बस्ने वर्ष १९ की बालिकालाई जि.काठमाडौं दक्षिणकाली न.पा.२ बस्ने वर्ष २९ को सनम महर्जनसँग पुतलिसडक स्थित रहेको एमबिशन गुरुमा ना.सु.को क्लासमा चिनजान भई नम्बर मागेर whatsapp बाट कुरा हुन थाली मिति २०८२।१०।०८ गते अं.१६:०० बजे कोठामा बोलाएर ज.ज.क.गरेको भनी पीडितले मिति २०८२।१०।११ गते अं.२०:०० बजे महिला बालाबलिका तथा जेष्ठ नागरिक सेवा केन्द्र भद्रकालीमा जाहेरी दरखास्त पेश गरेकोमा मुदा दर्ता गरी फरार प्रतिबादीको आ.अ. तथा खो.त.भइरहेको ।

रोल्पा, मिति २०८२।१०।०८ गते दिउँसो अं.१५:०० बजे जि.रोल्पा गंगादेव गा.पा.६ रातामाटा स्थित कमानसिंह खत्रीको घरमा कोही नभएको अवस्थामा ऐ.माटाबिरे बस्ने वर्ष १८ कि परिवर्तित नाम ५३ घर्तिगाउँ ३ (ज) लाई ऐ.रातामाटा बस्ने वर्ष ५५ को नदिराम खड्काले ज.ज.क.गरी फरार रहेको भनी ऐ.१२ गते बिहान अं.१०:०० बजे पिडितले इ.प्र.का.घर्तिगाँउ रोल्पामा जाहेरी दरखास्त दिए पश्चात  इ.प्र.का.जिनावाङ रोल्पाबाट प्रहरी टोली खटि गई पिडकको खो.त.कार्य भईरहेको ।

बाटो अवरोध,

सिरहा, मिति २०८२\१०\०१० गते अं.११:३० बजे ऐ. सिरहा गोलबजार न.पा.०३ जमदह टोल बस्ने रमेश बानियाको छोरी अं.वर्ष १८ की एन्जल बानिया (अविवाहित) ले फुस र जस्ताले बनेको आफ्नै घरमा सुत्ने कोठाको सिलिङ पंखामा सलको पासो लगाई झु.आ.ह.गरेको भनी निजको भाईले देखि इ.प्र.का.गोलबजारमा जानकारी गराउनसाथ प्र.नि.को कमाण्डमा SOCO सहितको टोली खटी गई प्रारम्भिक अनुसन्धान कार्य पुरा गरी शव पो.मा.को लागि प्रादेशिक अस्पताल लहान सिरहा पठाएकोमा ऐ.१०/१२ गते अं.१२:३० बजे पो.मा.को लागि इ.प्र.का.गोलबजारबाट मृतकको आफन्तहरुले कागज पत्रहरु लिई प्रादेशिक अस्पताल लहान पुगेकोमा मृतक अं.वर्ष १८ की एन्जल बानियाको शव प्रादेशिक अस्पताल लहानमा नभेटिएकोले मृतकको आफन्तहरुले ऐ. १७:२५ बजे अं.१००/१५० जनाको संख्यामा भेलाजम्मा भई ऐ.गोलबजार न.पा.०६ लाईफ लङग अस्पताल अगाडी पूर्व-पश्चिम लोक मार्गमा आई दुइतर्फी बाटो अवरोध गरेको, उक्त स्थानमा इ.प्र.का.गोलबजारबाट प्र.नि.को कमाण्डमा, सशस्त्र बेस क्याम्प गोलबजारबाट स.प्र.नि.को कमाण्डमा ,इ.प्र.का.मिर्चैयाबाट प्र.नि.को कमाण्डमा र जि.प्र.का.बाट प्र.नि.को कमाण्डमा जम्मा ५० जनाको टोली खटी गई सम्झाई-बुझाई कार्य भईरहेकोमा ऐ. १८:२५ बजे ऐ.१३ गते १०:०० बजे भित्र शव फिर्ता नआएमा आन्दोलन पुन: गर्ने, सम्बन्धित दोषीलाई कानूनी कारबाहि हुनुपर्ने र छानबिन समिति गठन गर्नुपर्ने सहमतिमा दुइतर्फी बाटो सुचारू भई सबै जना तितर बितर भएको ।

थप टिपोट-  ई.प्र.का. गोलबजार सिरहाको  एरियामा झुण्डी मृत्यु भएको अं.वर्ष १८ की एन्जल बानियाको शव  र इ.प्र.का.कडरबोना सप्तरी एरियाको झुण्डी मृत्यु भएको राधा कुमारी साहको शव सम्बन्धमा मिति २०८२।१०।११ गते ०९;४० बजे राधा कुमारी साहको शव पो.मा.पश्चात निजको काका सचिप साहले लाश बुझि दाह संस्कार समेत गरेको र आज  मिति २०८२।१०।१२ गते गोलबजार एरियाको एन्जल बानियाको आफन्तहरुले शव बुझ्न प्रादेशिक अस्पताल लहान सिरहा गएकोमा उक्त एन्जल बानियाको शव नरहेकोले छानबिन हुदा  राधा कुमारी साहको शव पो.मा.पश्चात निज काका सचिप साहले बुझी लगिएको हुदा राधा कुमारी साहको शव नभई गोलबजार एरियाको एन्जल बानियाको शव रहेको हुदा मिति २०८२।१०।१२ गते १८;०० बजे बुझी लाने मानिसलाई पक्राउ गरी प्रादेशिक अस्पताल लहान सिरहामा राखी, सोही प्रादेशिक अस्पतालको डक्टर  र पिडित पक्ष बिच प्रादेशिक अस्पताल लहान सिरहमा छलफल भईरहेको, इ.प्र.का. लहान सिरहाबाट प्र.ना.उ कैलाश राइ (९८५२८३३८८९) को कमाण्डमा २५ जनाको टोली खटीएको, निज काका सचिप साहलाई इ.प्र.का. लहान को नियन्त्रणमा राखिएको  ।

कैदी मृत्यु,

काठमाण्डौ, जि.पर्सा पर्सागढी गा.पा.७ घर भइ भद्र बन्दी सुधार गृह जगन्नाथदेवलमा ला.औ.मुद्दामा कैद भुक्तान गरिरहेको कैदी वर्ष ४७ को देविलाल सहनी पित्त थैलीको क्यान्सर सम्बन्धी बिरामी भई मिति २०८२।१०।११ गते उपचारको लागि वि.पि.स्मृती अस्पतालमा भर्ना भई उपचार गराईरहेकोमा उपचारको क्रममा मिति २०८२।१०।११ गते २१:४५ बजे मृत्यु भएको, शव सोही अस्पतालमा रहेको, मृतकको आफन्तलाई जानकारी गराईसकेकोमा मिति २०८२।१०।१२ गते अं.१५:३५ बजे पो.मा.पश्चात आफन्तले लाश बुझी लगेको ।

मानिसको कंकाल फेला परे सम्बन्धी,

तनहुँ, आबुँखैरेनी गा.पा.५ द्वोन्रद्राङ बेसी त्रिशुली नदी किनारमा इ.प्र.का.आबुँखैरेनीबाट खटिएको प्र.नि.को कमाण्डमा १२ जना, स.प्र.बल मनकामना गण भानुबाट स.प्र.स.नि. को कमाण्डमा १० जना, प्राविधीक(चेन पुल्ली) ५ जना र भरतपुर अस्पताल चितवनबाट खटी आएका फरेन्सिक मेडिसिन बिभागका डाक्टर सुरज शर्माको संयुक्त टोलीले उक्त पुरिएको गणपती डिलक्स ( बा. प्र.०३-००१ ख.२४९५) नम्बरको बस उत्खनन गरी ग्याँस कटरले काटी निकाल्ने क्रममा मृत मानिसको कम्मरदेखी माथी, शरिरको हड्डी, दाँत, बंगारा, टाउको सहितको कंकाल र पिंक कलरको पुरुषले लगाउने जस्तै देखिने सर्ट समेत फेला पारी कानुन बमोजीम मुचुल्का तयार गरी पो.मा.को लागि भरतपुर अस्पताल चितवन पठाएको, उक्त बसको ४०% भाग काटी नदीको किनारामा राखिएको ।

जनावर आक्रमण बाट मानिसको मृत्यु

दैलेख, भैरवी गा.पा. ६ कुर्माकोट बस्ने वर्ष ७७ को प्रदिप सिंह लाई आफ्नै घर नजिक जंगलमा बाख्रा चराउन गएको अवस्थामा एक्कासी जंगली जनावर बदेलले आक्रमण गरी घाईते बनाए पश्चात निजलाई घरमा ल्याई राखिएको अवस्था गम्भिर रहेकोमा ऐ. १६:२० बजे घाईतेको उपचारको लागि हस्पिटल पठाउने क्रममा आफ्नै घरमा मृत्यु भएको, ऐ. १४:३० बजे ऐ. बदेलले ऐ. बस्ने वर्ष ४० को दिपक सिजाली र ऐ. बस्ने वर्ष १८ को मिकेश सिजालीलाई आक्रमण गर्दा दिपक सिजालीको दाहीने खुट्टाको घुँडा, साप्रा , कम्मरमा बायाँ भागमा चोट अवस्था मध्यम रहेको र मिकेश सिजालीको बायाँ खुट्टामा सामान्य चोट अवस्था सामान्य रहेको दुबै जना घाईतेहरुलाई जिल्ला अस्पताल दैलेखमा ल्याई उपचार भैरहेकोमा ऐ. १७:३५ बजे दिपक सिजालीलाई जिल्ला अस्पतालमा सामान्य उपचार पश्चात थप उपचारको लागी कालागाऊ सुर्खेततर्फ पठाईएकोमा जिल्ला बन सुरक्षा समितिका अध्क्षय एवम प्रमुख जिल्ला अधिकारी आनन्द सारुको अध्क्षतामा बसेको बैठकले कानून बमोजिम उक्त बदेललाई भगाउने प्रयास गर्ने, भाग्न नमानेमा मार्नको लागी जि.प्र.का. दैलेखलाई आदेश दिएकोमा उक्त घटना स्थलमा खटिएको प्रहरी टोलीले बदेललाई खो.त. गर्दै जाने क्रममा ऐ. स्थित रहेको कोलबारी सामुदायीक बनमा फेला पारी भगाउन खोज्दा भाग्न नमानेकोले प्र.ज. टेक बहादुर थापाको जिम्मामा रहेको ३०३ राईफल बाट १ राउण्ड गोली चलाउदा बदेलको दायाँ तर्फको खुट्टाको पाताको भागमा गोली लागी घाईते भई जंगल तर्फ भागेको ।

हा.ह.बरामद

डोल्पा, मिति २०८२/१०/११ गतेको १७:३० बजे डोल्पा जिल्लाको त्रिपुरासुन्दरी न.पा.-२ रसी गाउँ नजिकै शे-फोक्सुण्डो राष्ट्रिय निकुञ्ज ईलाकामा बन्दुक प‌ड्किएको जस्तो आवाज आएको भनि शे-फोक्सुण्डो राष्ट्रिय निकुञ्ज कार्यालयबाट श्री संग्राम सार्दुल गुल्ममा खबर प्राप्त हुनासाथ गुल्मबाट उ.से. गोपाल पुनको कमाण्डमा १/९ को नफ्रि र निकुञ्ज कार्यालयका २ जना कर्मचारी समेत इलाकामा पुगी अनुसन्धान गर्दा सो इलाकामा कुनै पनि किसिमको शंकास्पद वस्तु तथा गतिविधि भएको नपाएको, साथै ऐ.०६:३० बजे श्री संग्राम सार्दुल गुल्ममा सञ्चालन भईरहेको "अप्रेशन संरक्षण-१२" को दौरान गुल्म हैक्वा बाट हु. दिपक वि.क.को कमाण्डमा १/६ (शे-फोक्सुण्डो राष्ट्रिय निकुञ्ज कार्यालयका कर्मचारी-२ सहित) को संयुक्त पट्रोल टोली सोही ईलाका तर्फ मुभ भई सर्चको कारवाही गर्ने क्रममा ऐ. १०:३० बजे उक्त रसी गाउँ नजिकैको जंगल ईलाकामा लुकाई राखेको अवस्थामा भरुवा बन्दुक नाल-१ (एक),ऐ.को गोली गोटा-५ (पाँच),३. ऐ.को छर्रा गोटा-३ (तिन) ,बारुदक्रो सिसि गोटा-२ (दुई), सानो ब्याग गोटा -१ (एक),सलाई गोटा-१ (एक) बमोजिमको हतियार तथा गोली र अन्य सामानहरु फेला पारी निकुञ्ज कार्यालयका कर्मचारीलाई दोहोरो भरपाई गरि बुझाएको ।

ला.औ.

सुनसरी, इटहरी उ.म.न.पा.१७ पकली बस्ने मस्लाउदिन मियाको घरमा  ला.औ.कारोबार भईरहेको भन्ने गोप्य सुचनाको आधारमा प्रहरी टोलीले ऐ बस्ने वर्ष ३५ की जैतुन खातुन ऐ बस्ने वर्ष १९ को मोहमद सैफुदिन र ऐ बस्ने वर्ष ३५ की मन्जिना खातुनको घरमा लुकाइ छिपाइ राखिएको अवस्थामा रितपूर्वक खानतलासी गर्दा प्लाष्टिकको पोका थान-७ फेला पारी निकाली खोली हेर्दा ला.औ. ( खैरो हिरोईन )जस्तो देखिने लिसाईलो पदार्थ  शुद्ध  तौल ९ ग्राम ३५० मिलिग्राम फेला पारी ३ जनालाई नियन्त्रणमा लिई इ.प्र.का.पकलीमा ल्याई राखिएको ।

सुनसरी, अ.प्र.पोष्ट सखुवागाछीबाट खटिएको टोलीले ऐ. ईनरुवा न.पा.६ भोटेपुल स्थित सवारी साधन चेकजाँच गर्ने क्रममा को २ ह ६१२५ नं. को अटोलाई रोक्न खोज्दा नरोकी भगाएकोले शंकालागी उक्त अटोलाई फलो गर्ने क्रममा अटोलाई रोकी चेकजाँच गर्दा अटोमा अं. ९० के.जी.गाँजा जस्तो देखिने पदार्थ (तौल गर्न बाकी) फेला पारी रित पुर्वक बरामद गरी चालक जि.धनकुटा चौबिसे गा.पा.७ बस्ने वर्ष २५ को साजन लिम्बु र सोही अटोमा सवार ऐ. बस्ने वर्ष १९ को गगन लिम्बु समेतलाई नियन्त्रणमा लिई जि.प्र.का.मा ल्याई अनुसन्धान कार्य भईरहेको ।