कर्तव्य ज्यान,

कास्की, पोखरा म.न.पा.८ शिवालय चोक जाने बाटो नजिक पोखरा बाग्लुङ सडकखण्डमा ऐ.पोखरा म.न.पा.५ जिरो कि.मि.घर भई हाल ऐ.पोखरा म.न.पा.१८ सेदी स्थित माईती घरमा बस्ने वर्ष अं.४२ की सृजना पौडेल के.सी.लाई अपरिचित एकजना पुरुष व्यक्तिले धारिलो हतियार जस्तो देखिने वस्तुले प्रहार गरी फरार भएको भन्ने सूचना प्राप्त हुनासाथ व.प्र.का.बैदामबाट प्र.ना.उ.को कमाण्डमा टोली खटीई गई घाइतेलाई उपचारको लागि गण्डकी मेडिकल कलेज पोखरा पठाएकोमा ऐ.२०:१८ बजे उपचारको क्रममा डाक्टरले मृत घोषणा गरेको, शव सोही अस्पतालमा रहेको, घटनामा संलग्न व्यक्तिको खो.त.एवम् थप अनुसन्धान भइरहेको ।

ललितपुर, ललितपुर म.न.पा.१२ कृष्ण मन्दिर स्थित दुई पक्ष वीच विवाद भई धारिलो हतियार (चक्कु) प्रहार गर्दा जि.झापा कमल गा.पा.६ घर भई हाल जि.ललितपुर महालक्ष्मी न.पा.- १ इमाडोल बस्ने वर्ष ३३ को सुमित नेम्माङको पेटमा गहिरो चोट लागि गम्भीर घाइते भएको र ऐ.बस्ने निजकै भाई वर्ष २५ को सृजन नेम्माङको घाँटी र पटेमा चोट लागी गम्भीर घाइते भएकोले उपचारको लागि प्रभाग मंगलबजारबाट प्र.नि.को कमाण्डमा खटिएको टोलीले ग्वार्को स्थित बि एण्ड बि अस्पताल लगेकोमा ऐ.२०:३० बजे दुवै जनालाई डाक्टरले मृत घोषणा गरेको, दुवै शव सोही अस्पतालमा रहेको, थप अनुसन्धानको लागि जिल्ला प्रहरी परिसर ललितपुरबाट प्र.ब.उ.को कमाण्डमा टोली खटीई गएको, घटनामा संलग्न जि.ललितपुर, ललितपुर म.न.पा. ९ भोलढोका बस्ने वर्ष ३२ को संजिव नेपाली र जि.नवलपरासी गैँडाकोट न.पा.१ घर भई हाल जि.ललितपुर, ललितपुर म.न.पा.८ सुबहाल बस्ने वर्ष २१ को गगन सुनार समेत २ जनालाई  थान -१ चक्कु सहित नियन्त्रणमा लिई थप अनुसन्धान भईरहेको ।

ज.ज.क./ज.ज.क.उधोग,

उदयपुर, मिति २०८२।१०।०५ गते अं.१५:०० बजे जि.उदयपुर रौतामाई गा.पा.०७ मुर्कुची स्थित पुरन तामाङको घरमा पढ्नको लागि डेरा गरी बसेको जि. उदयपुर रौतामाई गा.पा. ०७ बस्ने वर्ष १४ की बालिकालाई ऐ. वडा नं. ७ धाङ्गले बस्ने वर्ष २४ को बले भन्ने बल बहादुर श्रेष्ठले बालिकाको कोठामा पसी ज्यान मार्ने धाक धम्की दिई कुटपीट गरी पटक पटक जबरजस्ती करणी गरेको भनी ऐ.२५ गते अं. ०८:०० बजे जि.प्र.का.उदयपुरमा आई पीडितको आमाले जाहेरी दरखास्त दिए पश्चात जि.प्र.का. उदयपुरबाट प्र.नि.को कमाण्डमा ५ जनाको संख्यामा प्रहरी टोली खटिई गई पीडकलाई नियन्त्रणमा लिई जि.प्र.का. उदयपुरमा ल्याई थप अनुसन्धान कार्य भईरहेको ।

काठमाडौँ, जि.धादिङ ज्वालामुखी गा.पा.७ स्थायी घर भई हाल का.म.न.पा.१६ बस्ने  वर्ष १९ की महिलालाई वर्ष ३७ को पुरुषले मिति २०८२।१२।१२ गते काठमाण्डौ जिल्ला, बानेश्वर स्थित पीडकको साथीको कोठामा लगी बल प्रयोग गरी जबरजस्ती करणी गरेको भनि पीडितले ऐ.२५ गते १५:१५ बजे जिल्ला प्रहरी परिसर काठमाडौँ, महिला बालबालिका तथा जेष्ठ नागरिक सेवा केन्द्र, भद्रकालीमा जानकारी गराए पश्चात थप अनुसन्धान भईरहेकोमा मिति २०८२।१२।१९ गते अं.०८:०० बजे जरुरी पक्राउ पुर्जी दिई का.म.न.पा.३ स्थितबाट पक्राउ गरी थप अनुसन्धान भईरहेको ।

काठमाडौँ, जिल्ला भक्तपुर , भक्तपुर न.पा.७ स्थायी घर भई हाल का.जि.का.म.न.पा.८ बस्ने वर्ष २३ की महिलालाई प्रतिवादी का.जि.का.म.न.पा.१२ टेकु बस्ने वर्ष ३० को पुरुषले का.जि.का.म.न.पा.१२ स्थितमा मिति २०८२।०६।१३ गते अं. ०१:०० बजे देखि ०४:०० बजे सम्म र ऐ.०७।१४ गते का.जि.का.म.न.पा.११ सुन्धारा स्थित रहेको म्याग्दी होटेलमा अं. ०८:०० बजे बल प्रयोग गरी ज.ज.क.गरेको भनि ऐ.२५ गते १२:०० बजे जिल्ला प्रहरी परिसर काठमाडौँ,  महिला बालबालिका तथा जेष्ठ नागरिक सेवा केन्द्र, भद्रकालीमा जाहेरी दरखास्त दिएकोले थप अनुसन्धान भईरहेको, प्रतिवादी रोनित पुजारीको खो.त.भईरहेको ।

धादिङ, गल्छी गा.पा.३ छतिनटार बस्ने वर्ष अं.२८ को रवि पोखरेलले मिति २०८२।१२।१९ गते १३:०० बजे ऐ.२ बेलिनटार बस्ने वर्ष अं.५० की महिलालाई ज.ज.क.गरेको भनी पीडितले ऐ.२५ गते १६:३० बजे इ.प्र.का.गजुरीमा जाहेरी दरखास्त दिएको हुँदा प्र.चौ.बैरेनीबाट प्र.ना.नि.को कमाण्डमा टोली खटीई गई पीडकलाई नियन्त्रणमा लिई इ.प्र.का.गजुरीमा राखी थप अनुसन्धान भईरहेको ।

झापा, मेचीनगर न.पा.१० लालपानी स्थित ऐ. बस्ने अं. वर्ष ३२ को भवानी फुयालले ऐ. बस्ने वर्ष १७ की बालिकालाई बाल यौन दुरुपयोग गरेको भनी पीडितको आफन्तले ऐ.१८:०० बजे इ.प्र.का.धुलाबारीमा जाहेरी दिएको हुँदा प्र.स.नि.को कमाण्डमा टोली खटीई गई पीडकलाई नियन्त्रणमा लिई थप अनुसन्धान भईरहेको ।

लागू औषध,

काठमाडौँ, का.म.न.पा.९ भत्केकोपुल नजिक ला.औ.कारोवार भईरहेको भन्ने विशेष सूचनाको आधारमा जिल्ला प्रहरी परिसर काठमाडौँका प्र.नि.को कमाण्डमा खटिई गएको प्रहरी टोलीले शंकास्पद रुपमा हिँडीरहेका जि.सप्तरी सुम्ङ्ग गा.पा.४ घर भई बस्ने वर्ष ४२ को सन्तोष कुंवरलाई नियन्त्रणमा लिई ऐ.का.म.न.पा.९ भत्केकोपुल स्थित निजको डेरा कोठा खानतलासी गर्दा कोठाबाट ला.औ.डाईजीपाम १०७० पिस, नुर्फिन १११५ पिस, फेनारागन १०८० पिस, (जम्मा ला.औ.३२६५ पिस), नेपाली नगद रु.३,११,५५०।, मलेसियन रुपैया १ को १० थान, ५ को ४ थान, १० को ३ थान, कुवेत मुद्रा १ को ५ थान, युएई मुद्रा १० को ६ थान, कतारी मुद्रा ५ को १८ थान, १ को १८ थान, ओमान मुद्रा ५ को ३ थान, १ को १ थान, चाईनिज मुद्रा ५० को १ थान, २० को १ थान, १० को १ थान , ५ को ९ थान, १ को ४ थान, मोवाईल ११ थान, विभिन्न सिम काड ३८ थान, चेक ३ थान, सुन जस्तो देखिने पहेलो धातुको तिलहरी २ थान, सुन जस्तो देखिने पहेलो धातुको मगलसुत्र १ थान, सुन जस्तो देखिने पहेलो धातुको सिक्री ३ थान, सुन जस्तो देखिने पहेलो धातुको बाला १ थान, सुन जस्तो देखिने पहेलो धातुको औठी ३ थान, सुन जस्तो देखिने पहेलो धातुको चन्द्रमा १ थान, काचो सुन जस्तो देखिने पहेलो धातुको डिक्का अं.४८ ग्राम, १ के.जि.fine gold लेखिएको धातु १ थान, USA डलर ५ को १ थान १ को ३ थान फेला पारी वरामद गरी उक्त ला.औ., नगद तथा सुनको गरगहना समेत नियन्त्रणमा लिई थप अनुसन्धान भईरहेको ।

महोत्तरी, जलेश्वर न.पा.८ बजराहीकोट्टी स्थित जि.प्र.का. महोत्तरीबाट प्र.उ.को कमाण्डमा खटिएको चेकिङ टोलीले BAC6994 नं.को Nissan कार र प्रदेश २-०३-००१च.९०७७ नं.को Nexon कारलाई चेकजाँच गर्ने क्रममा BAC6994 नं.को Nissan कार छाडी उक्त कारमा सवार २ जना पुरुष ब्यक्ति भागेका, उक्त कारको पछाडी सिटबाट २२ पोका (प्रतेक पोका तौल गर्दा अं.८ के.जी का दरले प्लाष्टिक सहित अं.१९२.८ के.जी) ला.औ.गाँजा जस्तो देखिने पदार्थ फेला परेको र प्रदेश २-०३-००१च.९०७७ नं.को Nexon कार चेकिङ छली भागेकाले पिछा गर्दै जाँदा ऐ.वडा नं.४ ठुलो रतौवडा पुगी सोही कारमा सवार जिल्ला मकवानपुर कैलाश गा.पा.१ बस्ने नर बहादुर मोक्तानको छोरा अं.बर्ष २६ को धर्म राज मोक्तान कारबाट ओर्ली भाग्ने क्रममा कार र निजलाई नियन्त्रणमा लिई खानतलासी गर्दा केही सामान फेला नपरेको, , BAC6994 नं.को Nissan कारको २ जना पुरुष ब्यक्ति र प्रदेश २-०३-००१च.९०७७ नं.को Nexon कार चालकको खो.त.भैरहेको, ला.औ.गाँजा जस्तो देखिने पदार्थ सहित दुबै कार र निज धर्म राज मोक्तानलाई नियन्त्रणमा लिइ थप अनुसन्धान भईरहेको ।