कर्तव्य ज्यान,

कैलाली, थप अपडेट- मिति २०८३।०२।२४ गते १८:४० बजे धनगढी उ.म.न.पा. ९ त्रिवेणीघाट स्थित मोहना नदीको किनारमा तत्काल नामथर वतन नखुलेको पुरूष व्यक्तिको शव सडिगलेको अवस्थामा रहेको भन्ने जानकारी प्राप्त हुनासाथ जि.प्र.का.बाट प्र.उ.को कमाण्डमा SOCO सहित टोली खटिगई घटनास्थल कार्य समाप्त पश्चात शव पो.मा.को लागि सेती प्रादेशिक अस्पतालको लाश घरमा राखिएकोमा ऐ.२६ गते ११:४५ बजे मृतक ऐ.कैलारी गा.पा.९ गदरिया बस्ने वर्ष २० राजकुमार राना हो भनि मृतकको बुबा सत्तो रानाले सनाखत गरेको, शव फोरेन्सिक चेकजाँचको लागि प्र.स.ह. भेरी अस्पताल नेपालगंज बाँके पठाई ऐ. १८:५० बजे पो.मा.पश्‍चात शव मृतकको बुबाले बुझि लगेको, उक्त घटनाको अनुसन्धानको क्रममा जि.कैलाली धनगढी उ.म.न.पा. ८ बस्ने वर्ष ६० को बम्मन राना र ऐ. बस्ने वर्ष ५८ की भँगु राना सहित ४ जनाले कुटपिट गर्दा मृत्यु भई उक्त शव मोहना नदीको किनारमा फालेको भनी खुल्न आएको हुँदा  बम्मन राना र भँगु रानालाई नियन्त्रणमा लिई  कर्तब्य ज्यान मुद्दामा ५ दिन म्याद थप गरी थप अनुसन्धान कार्य भईरहेको,अन्य ब्यक्तिहरूको खोजतलास भईरहेको ।

ज.ज.क  ./बाल यौन दुर्व्यवहार,

दाङ, मिति २०८३।०२।१६ गते राती २२:०० बजे राजपुर गा.पा.२ वेला स्थित नयाँ वन्दै गरेको (निर्माणाधिन अवस्थामा रहेको) घरमा वर्ष १४ की बालिका र निजको साथी विवेक चौधरी वसी रहेको अवस्थामा ऐ.गढवा गा.पा.७ बस्ने वर्ष ३९ को खुशीराम चौधरीले निजहरू बसेको भिडियो वनाई पीडितको साथी विवेक चौधरीलाई उक्त स्थानबाट भगाई पीडितलाई उक्त भिडियो अन्य मानिसहरूलाई पठाईदिन्छु भनी धम्की दिई जवरजस्ती करणी गरेको भनी ऐ.२६ गते १४:४५ बजे पीडितको आमाले इ.प्र.का.गढवामा लिखित जाहेरी दरखास्त पेश गरे पश्चात प्र.नि.को कमाण्डमा टोली खटी गई निज पिडक (खुशीराम चौधरी )लाई निजको घरबाट पक्राउ गरी थप अनुसन्धान भईरहेको ।

सोलुखुम्बु, मिति २०८३।०२।२४ गते अं.१७:०० बजे सोलुदुधकुण्ड न.पा.८ तोलु जंगल स्थित वर्ष २० की महिलालाई बाख्रा चराउन जंगल गएको अवस्थामा जि.ओखलढुंगा सिद्दिचरण न.पा.६ कात्तिके बस्ने  वर्ष २५ को सुरेश विश्वकर्मा (दुराल) के-कहाँबाट आई पीडितलाई कुटपिट गरी जवरजस्ती करणीको प्रयास गरेको भनि जि.प्र.का.ओखलढुंगामा जाहेरी दरखास्त दिएकोले निज प्रतिवादीलाई मिति २०८३।०२।२४ गते राती २०:०० बजे निजको घर वतनबाट पक्राउ गरी ऐ.२६ गते १०:०० बजे जि.प्र.का.सोलुखुम्बुमा ल्याई सम्मानित सोलुखुम्बु जिल्ला अदालतबाट  ऐ.१५:०० बजे म्याद थप भई अनुसन्धान भईरहेको ।

हा.ह तथा विभिन्न सामानहरु बरामद,

कैलाली, व.प्र.का. धनगढीबाट प्र.नि को कमाण्डमा खटि गएको टोलिले  देश भारत जिल्ला लखिमपुरखिरी घर भई जि.कैलाली धनगढी उ.म.न.पा. ५ सत्कार चोक नजिक  रविन खड्काको घरमा डेरा गरी बस्ने वर्ष २४ को साहिल खानको  डेराकोठामा शंका लागि चेकजाँच गर्दा निजको कोठाबाट कटुवा पेस्तोल थान-१, चाँदिको जस्तो देखिने घाँटीमा लगाउने माला थान-२,चाँदीको करूवा थान,  टर्चलाइट ,  फलामको रड रेन्च थान, डिजिटल काँटा र खुकुटी थान -१/१ फेला पारी बरामद गरी थप अनुसन्धान भईरहेको ।

ला.औ.,

सुनसरी, बराहक्षेत्र न.पा.०२ स्थित पटनाली जंगलमा लागु औषध कारोबार तथा ओसार-पसार भइरहेको छ भन्ने गोप्य सूचना प्राप्त हुनासाथ इ.प्र.का. चतराबाट प्र.ना.नि. को कमाण्डमा टोली खटिगई खोज तलास गर्दा उक्त स्थानमा लुकाई छिपाई राखिएको को २४ प ६७४ नं.को मो.सा. र १५ वटा प्लाष्टिकको बोरा बेवारिसे अबस्थामा फेल परेकोले उक्त बोराहरू खोली हेर्दा बोरा भित्र लागु औषध गाजाँ शुद्व तौल ४३० के.जि. र उक्त मो.सा. समेत बरामद गरी इ.प्र.का. महेन्द्रनगरमा ल्याई थप अनुसन्धान भईरहेको ।

उदयपुर, चौदण्डीगढी न.पा. वडा.६ बगरकोट स्थित ऐ.ऐ. बस्ने अ. बर्ष १९ को काले भन्ने नितेश बि.क. को घरमा डेरा लिई बस्ने कम्प्युटर कोड ५५७७२६ र संकेत नं C-००१३८८०९ रहेको इ.प्र.का. बेल्टार, उदयपुर दरवन्दी भई सोही कार्यालयमा कार्यरत रहेको प्रहरी कार्यालय सहयोगी ऐ. वडा न.०२ बस्ने अ. वर्ष २६ को आकाश राई र निज घरधनी नितेश वि.क.ले लागुऔषध सेवन तथा विक्रिवितरण गरिरहेको अवस्थामा स्थानीय मानिसहरूले Tramadol hydrochloride लेखिएको २० पत्तामा २०० क्याप्सुल र Spaspain free लेखिएको २० पत्तामा २०० ट्याब्लेट गरी जम्मा ४० पत्तामा ४०० क्याप्सुल सहित निजहरूलाई नियन्त्रणमा लिई इ.प्र.का. बेल्टारमा जानकारी गराउनासाथ इ.प्र.का. बेल्टारबाट प्र.स.नि. को  टोलि खटि गई निजहरूलाई लागुऔषध सहित नियन्त्रणमा लिई थप अनुसन्धान भईरहेको ।