शंकास्पद मृत्यु (फुटकर ज्यान),

धनुषा, मिति २०८३।०३।२६ गते अं.२०:३० बजे मिथिला न.पा.-६ ढल्केवर स्थित ऐ. बस्ने मुकुन्द प्रसाद अधिकारीले संचालन गरेको माँ भवानी होटल एण्ड गेष्ट हाउसको कोठा नं. १०४ मा बसेको भैँसी-राँगा व्यापारी जिल्ला धादिङ गजुरी गा.पा.७ बगैचा बस्ने अं.वर्ष ५१ को एवनारायण श्रेष्ठ र निजको श्रीमती अं. वर्ष ५१ की चिनिमाया तामाङ सुत्ने क्रममा श्रीमती अचानक बिरामी भई उपचारका लागि जानकी मेडिकल कलेज रमदैया पठाईएकोमा चेकजाँच गर्दा ऐ. २१:३० बजे डा.ले मृत घोषणा गरेको, उक्त स्थाननमा इ.प्र.का. ढल्केबरबाट प्र.नि. कमाण्डमा टोलि खटि गई ऐ.२३:४५ बजे निजका श्रीमानले कानूनी प्रक्रिया नगरी शव बुझी लगेकोमा, ऐ. २७ गते अं. ०८:३० बजे शव प्रा.स्वा.के.गजुरी धादिङ पुग्दा आफन्तहरूले मृत्यु शंकास्पद रहेको भन्दै सत्यतथ्य छानबिन र शव ल्याउने एवनारायण श्रेष्ठलाई कारबाहीको माग गरेपछि इ.प्र.का.गजुरीबाट टोलि खटि गई एवनारायण श्रेष्ठलाई नियन्त्रणमा लिएको, इ.प्र.का.ढल्केबर धनुषा बाट खटिगएको टोलिले ऐ.२८ गते बिहान ०५:५० बजे एवनारायण श्रेष्ठलाई लिई कार्यालय आईपुगेको । शव पो.मा.को लागि टिचिङ अस्पताल काठमाडौँ पठाइएकोमा  ऐ.१६;०० बजेको समयमा मृतक लास टिचिङ हस्पिटल काठमाण्डौमा ईन भएको , घटना सम्बन्धमा थप अनुसन्धान भईरहेको ।

सोलुखुम्बु, मिति २०८३।०३।१६ गते अं.०८:३० बजे ऐ. माप्य दुधकोशी गा.पा.-४ घर भई हाल ऐ. थुलुङ दुधकोशी गा.पा.-१, नेले, तुम्सेस्थित शर्मिला राईको घरमा डेरा गरी बस्दै आएकी दावा तामाङको श्रीमती अं. वर्ष ३५ की कमला बि.क.गाउँमा कोदो रोप्न जान्छु भनि हिँडेको र घर फर्की नआएको, कोहि कसैको सम्पर्कमा समेत नरहेकोले खोजतलास गरी पाउँ भनि घरधनी शर्मिला राईले मिति २०८३।०३।१९ गते प्र.चौ. नेलेमा लिखित निवेदन दिएकोले जि.प्र.का.बाट प्र.नि.को कमाण्डमा १५ जनाको प्रहरी टोलि खटि गई खोजतलास गर्ने क्रममा शंकित व्यक्ति ऐ. थुलुङ दुधकोशी गा.पा.१ बस्ने अं.वर्ष ३५ को योगेन्द्र कट्वालले दिएको सूचनाको आधारमा ऐ.०३।२७ गते अं.१६:३० बजेको समयमा ऐ. तुम्से कार्मेस्थित रिन्जी शेर्पाको बारीको नजिक ओढारमा सडीगली मृत अवस्थामा निज महिलाको शव फेला परेकोले थप अनुसन्धान तथा कानूनी प्रक्रियाको लागि जि.प्र.का.बाट प्र.नि.को कमाण्डमा SOCO सहितको टोलि खटि गई ऐ.२१:५० बजेको समयमा उक्त लासको सम्पुर्ण कानूनी प्रकृया पुरा गरी पो.मा.को लागि लास जिल्ला अस्पताल फाप्लु सोलुखुम्बुको शव गृहमा ल्याई राखेको , शंकित व्यक्ति योगेन्द्र कट्वाललाई तत्काल नियन्त्रणमा लिई थप अनुसन्धान कार्य भईरहेको ।

ज.ज.क./बाल यौन दुर्व्यवहार,

गुल्मी, रुरुक्षेत्र गा.पा. ४ रिमुवा बस्ने वर्ष २० की महिलालाई ऐ.ऐ. बस्ने निजको सहोदर बुवा वर्ष ४७ को पुरूष ब्यक्तिले पटक-पटक ज.ज.क. गरेको र अन्तिम पटक मिति २०८०।०१।२२ गते ज.ज.क. गरेको भनि मिति २०८३।०३।२६ गते जि.प्र.का. गुल्मीमा जाहेरी दिनासाथ जि.प्र.का. गुल्मीबाट प्र.स.नि.को कमाण्डमा टोलि खटि गई पीडकलाई निजकै घरबाट नियन्त्रणमा लिई थप अनुसन्धान भईरहेको ।

इलाम, मिति २०८३।०३।२३ गते अं. १८:३० बजे फाकफोकथुम गा.पा.-२ धार्नेखोप बस्ने अं. वर्ष १२ की बालिकालाई आफ्नो घरको भान्सामा काम गर्ने क्रममा कोही नभएको अवस्थामा ऐ, बस्ने अं. वर्ष ३१ को दिनेश राईले पछाडीबाट स्तनमा समाती यौन दुर्व्यवहार गरेको भनि ऐ. २७ गते १७:०० बजे पीडितको आमाले इ.प्र.का. मंगलबारेमा जाहेरी दिनासाथ प्र.चौ. एकतप्ताबाट प्र.स.नि. को कमाण्डमा टोलि खटि गई पीडक फरार रहेकोले खोजतलास  कार्य भईरहेको ।

पाल्पा, रामपुर नगरपालिका वडा नं. १ कुमैडाँडा बस्ने वर्ष १९ को विनोद वंशीले मेरो नातिनी वर्ष १५ कि परिवर्तित नाम (०८२।०८३) ४७ (भ)लाई ललाई फकाई गरी जिल्ला पाल्पा रामपुर नगरपालिका वडा नं. ५ बेझाड बजार स्थितमा रहेको सिलुवा मण्डली रेष्‍टुरेण्ट एण्ड लजमा लिई गई ज.ज.क. गरेको भनि निज पीडित बालीकाको हजुर आमा जिल्ला अन्तर्गत बस्ने वर्ष ५८ कि परिवर्तित नाम (०८२।०८३) ४७ (भ)ले तालुक जि.प्र.का. पाल्पामा लिखित जाहेरी दिएको हुँदा तत्काल प्र.नि. लाल बहादुर सुनारको टोलि खटि गई घटनामा संलग्न आरोपित निज  बिनोद बंशी फरार रहेकोले खोजतलास  कार्य भईरहेको  र उक्त लजका सञ्चालक अमृत श्रेष्ठलाई नियन्त्रणमा लिई आवश्यक कार्बाहीको लागी तालुक जि.प्र.का. पाल्पामा पठाईएको ।

पाल्पा, जिल्ला अन्तर्गत बस्ने वर्ष ५२ कि परिवर्तित नाम (०८२।०८३) ४७ (ब) ले मेरो कान्छी नातिनी वर्ष १३ कि परिवर्तित नाम (०८२।०८३) ४७ (ब)लाई जिल्ला नवलपरासी (ब.सु.पू.) बौदीकाली गाउँपालिका वडा नं. ३ नयाँछाप घर भई हाल जिल्ला पाल्पा रामपुर नगरपालिक वडा नं. ४ खोप्टार बस्ने वर्ष २२ को आकाश पुलामी मगरले जिल्ला पाल्पा रामपुर नगरपालिका वडा नं. ५ तल्लो बेझाड बजार स्थित सिलुवा मण्डली रेष्‍टुरेण्ट एण्ड लजको कोठा नं. ७ मा ललाईफकाई लगी ज.ज.क. गरेको भनि ऐ.२१:०० बजेको समयमा तालुक जि.प्र.का. पाल्पामा लिखित जाहेरी दिएको हुँदा तत्काल प्र.नि. को टोलि खटि गई घटनामा संलग्न आरोपित निज  आकाश पुलामी मगर र उक्त लजका सञ्चालक अमृत श्रेष्ठलाई समेत नियन्त्रणमा लिई थप अनुसन्धान भईरहेको ।

आत्मदाह मृत्यु,

काठमाण्डौ, म.न.पा.१० बुद्धनगर स्थित बौद्ध बिहार नजिकै रहेको जि. सिराहा लाहान न.पा.१३ स्थाई ठेगाना भई हाल का.जि.का.म.न.पा.१० बुद्धनगर बस्ने वर्ष ४५ को अस्विन राउतले आफ्नो ईट्टाको गाह्रो र जस्ताको छानो भएको भुँई तले घरको भान्सा कोठामा घरमा कोही नभएको अवस्थामा आफ्नो शरीरमा आफैले आगो लगाई घाईते भएको अवस्थामा फेला पारी तत्काल उपचारको लागि वीर अस्पताल लगि उपचार भईरहेकोमा ऐ. १६:२० बजे उपचारको क्रममा मृत्यु भएको भनि सोही अस्पतालमा खटिएको प्र.क.बाट ऐ.१६:३६ बजे जानकारी प्राप्त हुनासाथ प्रहरी वृत्त जनसेवाबाट प्र.ना.उ.को कमाण्डमा टोलि खटि गई कानूनी प्रकृया पश्चात १८;१२ बजे लाश पो.मा.को लागि टिचिङ अस्पताल पठाईएको ।  (निज डिप्रेशनको बिरामी रहेको तथा छोरासँग बिवाद भएको भन्ने बुझिएको) ।  

ला.औ. सहित मानिस नियन्त्रण,

बाँके, नेपालगंज उ.म.न.पा.१५ जमुनाह चेक पोईन्ट स्थित इ.प्र.का.जमुनाह बाँकेबाट प्र.स.नि को कमाण्डमा खटिएको टोलिले रूपैडिया देखि नेपालगंज तर्फ आउदै गरेको चालक जि.सुर्खेत विरेन्द्रनगर न.पा.९ वस्ने नर बहादुर रावतको छोरा वर्ष २३ को सुर्य बहादुर रावतले चलाएको क.प्र.०२-००३ प ४३७५ नं.को स्कुटरलाई शंकालागि  चेक जाँच गर्दा लुकाई छिपाई राखिएको ला.औ.खैरो हिरोइन जस्तो देखिने गिलो पदार्थ शुद्ध तौल ११ ग्राम ९१० मिलि ग्राम फेलापारी स्कुटर सहित निजलाई नियन्त्रणमा लिई थप अनुसन्धान भईरहेको ।