कर्तव्य ज्यान,

सिन्धुपाल्चोक, बलेफी गा.पा. ८ म्याग्नेसाइड बस्ने अं.वर्ष ५४ की धन माया तामाङलाई मिति २०८३।०३।२३ गते अं.१४:०० बजे आफ्नै श्रीमान वर्ष ५५ को सोम बहादुर तामाङले कुटपिट गरि घाईते भई शहिद गंगालाल राष्ट्रिय हृदय केन्द्रमा ल्याई सामान्य उपचार पश्चात थप उपचारको लागि नेपाल मेडिकल कलेज, जोरपाटी पठाएकोमा ऐ.०३।३१ गते १६:०९ बजे उपचारको  क्रममा मृत्यु भएको भन्ने जानकारी प्राप्त हुनासाथ प्रहरी वृत्त बौद्धबाट खटिएको प्रहरी टोलिले निजको श्रीमान सोम बहादुर तामाङलाई नियन्त्रणमा लिई थप अनुसन्धान भईरहेको ।

ज.ज.क./बाल यौन दुर्व्यवहार,

पाँचथर, हिलिहाङ गा.पा.६ बस्ने केसरमान बलको घरको कोठामा ऐ. बस्ने अं.वर्ष २१ को राजेन्द्र घिसिङले ऐ. बस्ने अं.वर्ष ४२ की महिलालाई निजको इच्छा विपरित मिति २०८२।१०।०८ गते अं.१९:३० बजे जबरजस्ती करणी गरेको भनि मिति २०८३।०३।३१ गते बिहान अं.०९:०० बजे जि.प्र.का.आई आवश्यक कारबाही गरी पाँउ भनि जाहेरी दरखास्त दिएकोले  प्र.स.नि.को कमाण्डमा टोलि खटि गई राजेन्द्र घिसिङलाई ऐ.६ स्थित आफ्नै घर वतनमा फेला पारी नियन्त्रणमा लिई सम्मानित जिल्ला अदालत पाँचथरमा लगि पेश गरी ऐ.१६:५० बजे जबरजस्ती करणी मुद्धा शीर्षकमा ७ दिन(सात) म्याद थप गरी थप अनुसन्धान भईरहेको ।

दाङ, मिति २०८३।०३।३० गते अं.२१:३० बजे ऐ. तुलसीपुर उप-म.न.पा. ६ रजौरा स्थित न्यू हिमालयन रेष्टुरेन्टमा काम गरी बस्ने वर्ष १८ की बालिकालाई उक्त रेष्टुरेन्टको दक्षिण तर्फको कोठामा बसेका जिल्ला दाङ तुलसीपुर उ.म.न.पा. ०७ गणेशपुर बस्ने वर्ष अं.४५ को धनिराम भण्डारीले रेडबुल अर्डर गरे पश्चात् रेडबुल लिई गएकी निज बालिकालाई एक्कासी ढोका बन्द गरी सोही कोठाभित्र ज.ज.क.गरेको भनि निज पीडितले ऐ.३१ गते १६:३० बजे इ.प्र.का.तुलसीपुरमा लिखित जाहेरी दिए पश्चात इ.प्र.का.तुलसीपुरबाट प्र.नि. को कमाण्डमा टोलि खटि गई पीडकलाई नियन्त्रणमा लिई  इ.प्र.का.तुलसीपुरमा ल्याई थप अनुसन्धान भईरहेको ।

दाङ, तुलसीपुर उपमहानगरपालिका वडा नं. १२ एरपोर्ट देखी पश्चिम तर्फ रहेको सामुदायिक बनमा मिति २०८३।०३।२८ गते अ.१६;३० बजे संकेत न.५६ जि.सल्यान दार्मा ६ घर भई हाल तुल्सीपुर उ.म.न.पा. ६ स्टारचोक बस्ने बर्ष-१७ को तुलसीपुर ०८२-१०५ ले कसैलाई भनिस भने मारिदिन्छु भनि संकेत न.५६ तुल्सीपुर उ.म.न.पा. १० नयाँगाऊ बस्ने बर्ष-१५की तुलसीपुर ०८२-१०३ लाई ज.ज.क.गरेको भनि निज पीडित बालिकाको आमाले मिति २०८३।०३।३० गते अ.२०;३० बजे इ.प्र.का.तुलसीपुर दाङमा लिखित जाहेरी दिए पश्चात प्र.स.नि. को  कमाण्डमा प्रहरी टोलि खटिगई निज संकेत न.५६ तुलसीपुर २०८२-१०५ लाई नियन्त्रणमा लिई थप अनुसन्धान भईरहेको ।

भरुवा बन्दुक सहित मानिस नियन्त्रणमा,

कास्की, पोखरा म.न.पा १४ मझेरीपाटन स्थित ऐ. बस्ने सोमबहादुर बि.क.को घरमा निजको छोरा वर्ष ३० को साजन बि.क. ले आफु सुत्ने कोठामा अवैध हतियर  लुकाई छिपाई राखेको भन्ने गोप्य सूचनाको आधारमा व.प्र.का. रामबजारबाट प्र.नि. को कमाण्डमा टोलि खटि गई रित पूर्वक खानतलासी गरी भरूवा बन्दुक नाल १ र फलामको धारिलो हतियार थान-१ फेला पारी कानून बमोजिम बरामद गरी निज साजन बि.क सहित ३ जनालाई भरूवा बन्दुक र धारिलो हतियार सहित नियन्त्रणमा लिई अनुसन्धान  भईरहेको ।

श्रोत नखुलेको रकम बरामद,

डोल्पा, त्रिपुरासुन्दरी न.पा.१ त्रिपुराकोट बजार स्थित भेरी करीडोर सडक खण्डमा जिल्ला प्रशासन कार्यालय दुनै डोल्पाबाट नायव सुब्बा उमेश पराजुली सहित २ जना, स.प्र.बल नेपाल नं. ४६ गुल्म हे.क्वा. दुनैबाट स.प्र.ना.नि.को कमाण्डमा ५ जना, प्र.चौ. त्रिपुराकोटबाट  प्र.स.नि.को कमाण्डमा ट्राफिक सहित खटिएको टोलिले सवारी साधनहरू चेकजाँच गर्ने  क्रममा ऐ.१४:४० बजे भे.१३ प. ९२६५ नं.को मो.सा.चालक त्रिपुरासुन्दरी न.पा.७ छल बस्ने वर्ष ३२ को बिष्णु लाल रोकाय र ऐ. बस्ने पछाडि सवार वर्ष ४२ को भक्तिचन्द्र रोकायलाई रोकी चेकजाँच गर्ने क्रममा निजहरूको साथबाट अं.मु.रु ४०,००,०००।-(चालिस लाख मात्र)  फेला पारी नियन्त्रणमा लिई थप अनुसन्धान कार्य भईरहेको ।

नक्कली नोट सहित मानिस नियन्त्रणमा,

रुपन्देही, मिति २०८३।०३।२६ गते अं.१३:३० बजे बुटवल उ.म.न.पा.६ नेपालगंज रोड स्थित Swaroope collection पसलको साउजीले नक्कली नोटहरु प्राप्त गरेको भन्ने सूचनाका आधारमा इ.प्र.का.बुटवलबाट प्र.ना.उ.को कमाण्डमा खटिएको टोलिले अनुसन्धान गर्दै जाँदा शंकास्पद ब्यक्तिहरुको घरकोठा खानतलासी गर्ने क्रममा फोटोकपी मेसिन, Dell कम्पनीको ल्याप्टप, प्रिन्टर, नक्कली नोट छाप्न प्रयोग पेपर १ कार्टुन, लेमिलेसन मेसिन, नक्कली नोट बनाउन प्रयोग हुने केमिकल, प्लाष्टिक पेपर, तयार भएका नक्कली नोट जस्तो देखिने रु.१००० को नेपाली नोट ६२२ थान, नक्लकी नोट कटिङ गर्ने प्रयोग हुने मेसिन थान-१, मोबाईल थान ६ समेत बरामद गरी उक्त नोट तथा सरसामान सहित ऐ.बुटवल उ.म.न.पा.११ श्रृजनानगर बस्ने वर्ष ३६ की गंगा कुमारी पुर्वछाने समेत ६ जनालाई नियन्त्रणमा लिई मिति २०८३।०३।३० गते  मुद्रा सम्बन्धी कसुर मुद्धा शीर्षकमा ५।५ दिन म्याद थप गरी अनुसन्धान कार्य भईरहेको ।

ला.औ.,

मोरङ, इ.प्र.का. रंगेलीबाट खटिएको टोलिले रंगेली न.पा.६ पुरानो भन्सार टोल स्थित भारतबाट नेपाल तर्फ  आउदै गरेको जि.ईलाम चुलाचुली गा.पा.१ घर भई जि.मोरङ पथरी शनिश्चरे न.पा.१ बस्ने वर्ष २३ को सम्योक वानेम फागोलाई शंका लागि रोकी चेकजाँच गर्दा निजको साथबाट लागुऔषध खैरो हेरोईन जस्तो देखिने पदार्थ प्लाष्टिक बाहेक तौल गर्दा १५ ग्राम ४४ मिलिग्राम र निजको साथमा रहेको महिला पथरी शनिश्चरे न.पा.१ बस्ने वर्ष २० की भुमिका फागोको साथबाट लागुऔषध खैरो हेरोईन जस्तो देखिने लिसाईलो पदार्थ प्लाष्टिक बाहेक तौल गर्दा ११ ग्राम ०७  मिलिग्राम फेला पारी (जम्मा २६.५१ ग्राम) निजहरूलाई  नियन्त्रणमा लिई इ.प्र.का.रंगेलीमा ल्याई थप अनुसन्धान भईरहको  ।

रोल्पा, थवाङ गाउँपालिका वडा नं.१ बसपार्क चेकपोष्ट स्थित शहिदमार्ग सडक खण्डमा ऐ.२ छेर्लाबाङ बस्ने वर्ष अं.३८ की निर्दोषी रोकाले लागु औषध(चरेस)बोकी हिँडिरहेको भनि ऐ.१४:०० बजेको समयमा गोप्य सूचना प्राप्त भए पश्चात इलाका प्रहरी कार्यालय घर्तीगाउँ रोल्पाबाट प्र.नि.को  कमाण्डमा टोलि खटि गई खानतलासी गर्ने क्रममा निजको साथबाट  १६६ ग्राम ६१० मिलि ग्राम  लागु औषध चरेश फेला पारी निजलाई नियन्त्रणमा लिई  थप अनुसन्धान भईरहको  ।