शव बुझे सम्बन्धी,

सुनसरी, मिति २०८३।०४।१० गते भएको हिन्दु, मुस्लीम समुदाय बीचको झडपमा गोली लागी घाईते भई उपचारको क्रममा मृत्यु भएका देवानगंज गा.पा. ४ बस्ने वर्ष २४ को ओम प्रकाश मेहता र देवानगंज गा.पा.३ बस्ने वर्ष २२ को जय प्रकाश मेहताको शव ऐ. १५ गते १६:५९ बजे कानूनी प्रकृया पुरा गरी पो.मा.को लागि कोशी अस्पताल विराटनगर पठाईएकोमा ऐ.१७:५७ बजे दुवै शवको पो.मा. समाप्‍त भई ऐ.१८:२० बजे आफन्तहरुले शव  बुझी दाहासंस्कारको लागी लिई हिँडेकोमा दाहसंस्कार समेत भइसकेको ।

भेटघाट तथा छलफल/ सहमती,

सिरहा, औरही गा.पा.२ तुल्सिपुर स्थित ऐ.१४ गते गोलबजारमा बिरोध प्रदर्शनको क्रममा मृत्यु भएको मृतकको घरमा माननिय गृह-मन्त्री सुदन गुरुङ्ग ज्यूको प्रमुख आतिथ्यतामा सिरहा जिल्ला क्षेत्र नं.१ का प्रतिनिधि सभा सदस्य माननिय बब्लु गुप्ता, सामानुपातिक संसद पुरुश्वोतम यादव, सिरहा जिल्लाका प्रमुख जिल्ला अधिकारी सुरेन्द्र पौडेल, मधेश प्रदेश प्रहरी कार्यालयका प्रमुख प्रनामनि ओम प्रकाश अधिकारी, नं.२ छिन्नमस्ता बाहिनीबाट स.प्र.ना.म.नि.बिष्णु प्रसाद भट्ट , नेपाल सेना नं २७ बाहिनी चौहर्वाबाट सहायक रथी उज्जल थापा,  जि.प्र.का.सिरहाबाट प्र.उ.बाशुदेव पाठक र नं.७ गण सिरहाबाट स.प्र.उ. सुमन जंग थापा क्षेत्री लगायतको उपस्थितमा गोलबजारमा भएको घट्नाको मृतको परिवारहरू सँग भेटघाट तथा छलफल कार्यक्रम शुरु भई ऐ.१६ गते ०१:५० बजे सरकार पक्ष र पिडित पक्ष बिच निम्न बुँदाहरूमा

१. मृतकलाई नेपाल सरकारबाट शहीद घोषणा गर्ने प्रक्रिया तत्काल अगाडि बढाउने। साथै मृतकका परिवारलाई रु.१०,००,०००/- (अक्षरेपि दश लाख मात्र) नेपाल सरकारको तर्फबाट उपलब्ध गराउने ।

२. २०८३ साल श्रावण १४ गते गोलबजार बजार क्षेत्रमा भएको घटनाको निष्पक्ष र प्रभावकारी छानबिन गरी दोषी उपर प्रचलित कानून बमोजिम आवश्यक कारवाही प्रक्रिया तत्काल अगाडि बढाउने ।

३. मृतकका परिवारका एक जना योग्य सदस्यलाई रोजगारको अवसर उपलब्ध गराउने ।

४. उक्त घटनाको अध्ययनका लागि गठित छानबिन समितिले पेश गर्ने प्रतिवेदनका सुझाव तथा सिफारिसहरु प्रचलित कानून बमोजिम यथाशीघ्र कार्यान्वयनका लागि आवश्यक प्रक्रिया अगाडि बढाउने ।

५. मृतकको सम्झनामा गाउँपालिकाको उपयुक्त क्षेत्रमा स्थानीय सरकारसँगको समन्वयमा स्मृति पार्क निर्माण गर्ने । साथै शालिक निर्माणका लागि आवश्यक पहल गर्ने ।

६. मिति २०८३/०४/१६ गते दिनको १०:०० बजे मृतकको अन्तिम संस्कार गर्ने ।

७. मृतकको भाइ र बहिनीको निशुल्क शिक्षा र मृतकको बुबा, आमा को सरकारी अस्पतालमा निशुल्क उपचारको व्यवस्था नेपाल सरकारले मिलाउने ।

सहमति भएको, उक्त स्थानमा जि.प्र.का.सिरहाबाट प्र.ना.उ.को कमाण्डमा ६० जना र नेपाली  सेना र सशस्त्र प्रहरी बलको समेत टोली खटिएको ।

कर्तव्य ज्यान,

न.प.(पूर्व), थप अपडेटः मिति २०८२।१२।२३ गते ०७:१५ बजे, देवचुली न.पा.१६ टाँगिकोट बस्ने वर्ष ७५ को जिवन राम थनेत र निजको श्रीमती वर्ष ७० की गुलबसिनिया थनेत राती खाना खाई सुतेकोमा बिहान अवेर सम्म नउठेकोमा छोरा बिर ब.थनेत गई हेर्दा निजहरु घाईते अवस्थामा रहेको भनि ०७:४५ बजे जानकारी प्राप्त हुनासाथ जि.प्र.का.बाट प्र.उ.को कमाण्डमा टोली खटी गई घाईतेहरुलाई उपचारको लागि पुरानो मेडिकल कलेज भरतपुर चितवन पठाएको, दुबैको अवस्था गम्भीर, ऐ.०८:२० बजे जिवन राम थनेतको उपचारको क्रममा मृत्यु भएको, शव पो.मा.को लागि भरतपुर सरकारी अस्पताल चितवन पठाएको, मृतकको श्रीमतीलाई थप उपचारको लागि नयाँ मेडिकल कलेज पठाई उपचार भइरहेकोमा मिति २०८३।०२।०१ गते घाईते गुलबसनिया थनेतको अवस्थामा सुधार नदेखिएकोले डिश्चार्ज गरी आफुखसी घर ल्याएकोमा मिति २०८३।०४।१५ गते २२:१० बजे गुलबसिनिया थनेतको घरमा नै मृत्यु भएको, मिति २०८३।०१।१५ गते कुटपिट गर्ने जि.बागलुङ गल्कोट न.पा.९ बासकोट बस्ने वर्ष ३१ को संजय बि.क.लाई काठमाण्डौ उपत्यका अपराध अनुसन्धान कार्यालय समेतको सहयोगमा जि.काठमाण्डौ का.म.न.पा.४ सुकेधारा स्थितबाट पक्राउ गरी मिति २०८३।०१।१६ गते सम्मानित नवलपुर जिल्ला अदालतबाट दिन ७ (सात) म्याद थप गरी कर्तब्य ज्यान सम्बन्धी कसुरमा आ.अ.भईरहेको ।

धनुषा, मिति २०८३।०४।१४ गते राती के-कुन समयमा जि. धनुषा सबैला न.पा.-१२ रघुनाथपुर नहर चोक स्थित शिव मन्दिर परिसरभित्र नामथर, वतन नखुलेको तराइ मुलको जस्तो देखिने अं. वर्ष ४० को पुरुष व्यक्ति मन्दिरभित्र रहेको काठको खाटमा घोप्टो परी शरीरको विभिन्न भागमा धारिलो हतियारले काटी मृत अवस्थामा रहेको भन्ने खबर प्राप्त हुनासाथ प्र.चौ. बरमझियाबाट प्र.स.नि. र इ.प्र.का. सबैलाबाट प्र.नि.को कमाण्डमा SOCO सहितको टोली खटी गएको, ऐ. ०८:३६ बजे लालगढ केनाईन शाखाबाट प्र.ह.को कमाण्डमा Dog सहितको टोली खटी गई अनुसन्धान कार्य भइरहेको, मृतक शव जि. धनुषा हंसपुर न.पा.३ मल्हेनिया बस्ने वर्ष ४० को बंन्ठु राउत कडेरीको हो भनी घटनास्थलमा आएका स्थानीयले ऐ. ०८:४५ बजे सनाखत गरेको, शवको कानूनी प्रक्रिया पुरा गरी पो.मा.को लागि सरकारी अस्पताल बर्दिवास महोत्तरी पठाएको अन्य अ.अ.कार्य जारी रहेको । प्रतिवादी फरार रहेकोले फलोअपमा राखीएको ।

सुन बरामद,

काठमाण्डौ, त्रिभुवन अन्तर्राष्ट्रिय विमानस्थलको आगमन (Arrival) पार्किङ क्षेत्रस्थित, जिल्ला नुवाकोट बिदुर न.पा.१० बटाल बस्ने हरि बहादुर तिमिल्सिनाको छोरा बर्ष ३९ को देवेन्द्र तिमिल्सिनाले बायाँ खल्तीमा iPhone 16 pro max model A3296 मोवाइल थान १, दाया खल्तीमा लुकाई छुपाई लगी रहेको ३१.११ ग्राम सुन जस्तो देखिने पहेलो धातुको सिक्री लकेट थान-१, ५ ग्राम सुन जस्तो देखिने पहेलो धातुको औठी थान १ र ६.९१ सुन जस्तो देखिने पहेलो धातुको कुण्डल थान १ गरी जम्मा अन्दाजी ४३.०२ ग्राम  अवैध रूपमा लैजान लागेको हुँदा निजलाई नियन्त्रणमा लिई निजको साथमा भएको सुनजस्तो देखिने धातुका गरगहना बरामद गरी निज देवेन्द्र तिमिल्सिनालाई आवश्यक अनुसन्धान तथा प्रचलित कानून बमोजिम कारवाहीका लागि प्रहरी वृत्त गौशाला पठाइएको ।

चोरी,

ललतिपुर, गोदावरी न.पा.१० बिष्टगाउँ स्थित उषा थापाको १ तले कच्ची घरमा कोहि नभएको अबस्थामा अपरिचित ब्यक्तीहरु प्रबेश गरी दराजमा रहेको सुनको सानो तिलरी १ थान २ आना (अं. मुल्य रु ३५००० ।–), सुनको  सिक्री १ थान १ तोला  (अं. मुल्य रु २,८५,००० ।–), सुनको  माईली तिलरी १ थान १.२ तोला (अं. मुल्य रु १४२५००।–),सुनको औठी १ थान  ६ आना (अं. मुल्य रु१०६००० ।–), सुनको झुम्का जोर १ ६ आना (अं. मुल्य रु१०६००० ।–), VIVO कम्पनी को मोवाईल फोन १ थान  (अं. मुल्य रु ३५००० ।–), नगद रु ४०,०००।, खुत्रुके १ थान भित्र रहेको नगद (अं. १००००।-) गरी जम्मा रु.७,५९,५०० ।- (सात लाख  उनान्साठी हजार पाच सय मात्र) बराबरको धनमाल चोरी गरी फरार भएको भनी प्रहरीलाई जानकारी गराउनासाथ प्रहरी बृत चापागाउबाट प्र.ना.उ.को कमाण्डमा प्रहरी टोलि खटी गएको । प्रतिवादी फरार रहेकोले फलोअपमा राखीएको ।

मानव कंकाल फेला,

काभ्रे, पाँचखाल न.पा.६ थुम्काली एकता बस्ती स्थित कोलाचौर ठाडो खोल्साको बीचमा बगाएर ल्याएको जस्तो देखिने हाल नामथर वतन नखुलेको सडिगलेको अवस्थामा मानव कंकाल फेला परेको  भन्ने खबर प्राप्त हुनासाथ प्र.चौ.पाँचखालबाट प्र.स.नि.र जि.प्र.का.बाट प्र.नि.को कमाण्डमा टोली खटी गई कानुनी प्रकृया पुरा गरी उक्त मानव कंकाल धुलिखेल अस्पताल काभ्रे पठाएको ।

भरुवा बन्दुक पड्किई घाईते,

काभ्रे, मण्डन देउपुर न.पा.१ गैरीगाउँ भैसेपु स्थित खेतमा जंगली जनावर बदेलले मकै बाली नष्ट गरेको भनी बदेल मार्न  सोही ठाउँ घर हुने वर्ष ४६ को थामी तामाङ आफैंले बोकी भरुवा बन्दुक लिई जाने क्रममा लडि बन्दुक आँफै पड्किँदा घाइते भई  उपचारको राष्ट्रिय ट्रमा सेन्टर ल्याई उपचार भइरहेको,अवस्था गम्भीर,उक्त स्थानमा अ.प्र.पोष्ट अट्टेडाँडाबाट प्र.स.नि.र प्र.चौ.पाँचखालबाट प्र.नि.को कमाण्डमा SOCO सहित टोली खटी गएको  ।

पक्राउ नियन्त्रण,

बाँके, खजुरा गा.पा वडा नं.८, रनियापुर स्थित ऐ.बस्ने बर्ष अं.४० को हासिम खाँको घरमा गाई/ गोरुको मासु काटिरहेको छ भन्ने गोप्य सुचनाको आधारमा प्र.चौ रनियापुरबाट प्र.स.नि.को कमाण्डमा ४ जना र इ.प्र.का धनौलीबाट प्र.नि.को कमाण्डमा ७ जना गरी जम्मा ११ जनाको टोली खटि गई उक्त स्थान पुग्दा निज हासिम खाँले गाई/गोरु जस्तो देखिने मासु काटिरहेको अवस्थामा फेला पारी काट्दै गरेको ६० के.जि.गाई/गोरु जस्तो देखिने मासु र निम्न बमोजिमका मासु काट्न प्रयोग गरिने टिनको बाटा थान-२, फलामको तराजु थान- १, फलामको चक्कु थान-२, फलामको रेती थान -१, फलामको दाउ थान-१ र  काठको अचाना थान- १ औजारहरु सहित हासिम खाँलाई नियन्त्रणमा लिई आवश्यक अनुसन्धानको लागी इ.प्र.का धनौली ल्याई राखिएको ।

लागु औषध,

मोरङ, विराटनगर म.न.पा.१५ एक नम्बर ढाँट छेउ स्थित इ.प्र.का.रानी र ला.औ. नि.व्यूरो बिराटनगरबाट प्र.ह.को कमाण्डमा खटिएको टोलीले भारतबाट नेपाल तर्फ आउँदै गरेको प्र.०२-०४८ प ६१३९ नं.को स्कुटरलाई शंका लागी रोकी चेकजाँच गर्दा स्कुटर चालक जि.मोरङ सुन्दरहरैचा न.पा.१२ बस्ने वर्ष २६ को प्रेम अछामीको साथबाट ला.औ. खैरो हेरोईन जस्तो देखिने पदार्थ १२ ग्राम ५०० मिलिग्राम फेला पारी स्कुटर सहित नियन्त्रणमा लिई इ.प्र.का. रानीमा ल्याई थप अनुसन्धान कार्य भईरहेको ।

मोरङ, रतुवामाई न.पा.१० सोमबारे स्थित इ.प्र.का.सिजुवाबाट प्र.नि.को कमाण्डमा १० जना र  सशास्र्त प्रहरी बल नेपाल सीमा सुरक्षा गुल्म बङ्डा चुनिबारीबाट स.प्र.ना.उ.को कमाण्डमा १० जनाको संयुक्त टोलीले उर्लाबारी आमबारी सडक खण्डमा उर्लाबारीबाट आमबारी तर्फ आउँदै गरेको को १ ख ४३७३ नं.को मिनि ट्कमा ला.औ.गाँजा रहेको भन्ने गोप्य सुचनाको आधारमा उक्त ट्रक रोकी चेकजाँच गर्दा ट्रकको पछाडि धानको भुसाको बोरा मुनि कालो प्लाष्टिकमा प्याक गरेको ३१ पोकामा १०३३ के.जी,४८४ ग्राम ला.औ गाँजा फेला पारी मिनी ट्रक र ट्रक चालक जि.धनकुटा पाख्रीबास न.पा.९ हिले बस्ने वर्ष २८ को उमेश तामाङलाई नियन्त्रणमा लिई इ.प्र.का.सिजुवामा ल्याई थप अनुसन्धान कार्य भईरहेको ।

झापा, दमक न.पा.५ आकाशे पुल स्थित पुर्वाञ्चल बेकरी अगाडी भित्री सडक खण्डमा ला.औ.खरिद बिक्री गर्दै गरेको भन्ने बिशेष सुचनाको आधारमा इ.प्र.का.दमकबाट प्र.स.ह.को कमाण्डमा खटिएको प्रहरी टोलीले को.३४ प.२६८९ नं.को स्कुटर र मे.६ प.१८२७ नं.स्कुटर संकास्पद लागि रोकी सोधपुछ गर्ने क्रममा को.३४ प.२६८९ नं.स्कुटर चालक जि.सुनसरी ईटहरी उप.म.न.पा.२० तरहरा बस्ने राम ब.राईको छोरा वर्ष अं.३४ को बुद्ध राई र सोही स्कुटरमा पछाडी सवार जि.मोरङ मिक्लाजुङ गा.पा.२ बस्ने वर्ष २३ की रोमी लिम्बु र मे.६ प.१८२७ नं.को स्कुटर चालक जि.झापा दमक न.पा.७ बस्ने कैलाश मल्लिकको छोरा वर्ष २९ को करण मल्लिक समेतलाई शंका लागी चेकजाँच गर्दा बुद्ध राईको साथबाट १ ग्राम ५२० मिलीग्राम ला.औ.खैरो हेरोईन जस्तो देखिने पदार्थ र को ३४ प २६८९ नं स्कुटरको डिकी भित्र Tramadol Hydrochloride capsules Ip,Tramol-50 लेखिएको २५६ पत्तामा (१ पत्तामा १० क्याप्सुलको दरले) जम्मा २५६० क्याप्सुल र करण मल्लिकले चलाएको मे ६ प १८२७ नं को स्कुटरको डिकी भित्र Tramadol Hydrochloride capsules Ip,Tramol-50 लेखिएको प्रतिबन्धित लागु औषध २४० पत्तामा (१ पत्तामा १० क्याप्सुलको दरले) जम्मा २४०० क्याप्सुल फेला पारी बरामद गरि लागू औषधको कारोबारमा संलग्न तीनै जनालाई नियन्त्रणमा लिई आ.अ.भईरहेको ।