मिति २०८३।०४।२२ गते ०५:०० बजे देखि २०८३।०४।२३ गते ०५:०० सम्मका मुख्य आपराधिक घटनाहरु

२०८३-०४-२३

A
A^-
A⁺

कर्तव्य ज्यान,

रौतहट, मिति २०८३।०३।३२ गते अं. २०:०० बजे, गरुडा न.पा.१ जयनगर बस्ने अं. वर्ष ५७ को सुरेन्द्र ठाकुरले घरायसी विवाद भई आफ्नै श्रीमती अं. वर्ष ५५ की कृष्ण देवीलाई कुटपिट घाइते भई उपचारको लागि ग्राण्डी अस्पताल गरुडा रौतहटमा ल्याई सामान्य उपचार पश्चात थप उपचारको लागी न्युरो अस्पताल बिरगंज पर्सा पठाई उपचार पश्चात मिति २०८३।०४।११ गते घरमा ल्याई राखिएकोमा ऐ. ०४।२२ गते अं. १०:०० बजे मृत्यु भएको भन्ने ऐ. १८:०० बजे इ.प्र.का. गरुडामा खबर प्राप्त हुनासाथ इ.प्र.का. शिवनगरबाट प्र.ना.नि. र इ.प्र.का. गरुडाबाट प्र.नि.को कमाण्डमा SOCO सहितको टोली खटि गई कानुनी प्रक्रिया पुरा गरी शव पो.मा.को लागि प्रादेशिक अस्पताल गौर पठाई शव गृहमा राखिएको, कुटपिट गर्ने श्रीमान सुरेन्द्र ठाकुर फरार, खो.त. कार्य भइरहेको ।

ज.ज.क./बाल यौन दुर्व्यवहार,

कैलाली, गौरीगंगा न.पा. वडा नं. ०८ मसुरिया स्थित डल्फिन होटलको तेस्रो तलामा ऐ.ऐ. वडा नं. ०८ बढैपुर बस्ने बर्ष २२ को धन बहादुर धामी, ऐ.ऐ. बस्ने बर्ष २६ को महेन्द्र सुनार र ऐ.ऐ. बस्ने बर्ष २५ को गणेश तिवारीले ऐ. घोडाघोडी न.पा. वडा नं. ०२ साढेपानी बस्ने बर्ष १६ की परिवर्तित नाम २०८३/०८४-७१ मालाखेती ८ (क) लाई जवरजस्ती करणी गरेको भनी आज मिति २०८३।०४।२२ गते १२:०० बजेको समयमा पीडितको आमा परिवर्तित नाम २०८३/०८४-७१ मालाखेती ८ ले तालुक इलाका प्रहरी कार्यालय मालाखेती कैलालीमा जाहेरी दरखास्त दिएको हुदा ऐ.१७:४५ बजेको समयमा पीडित परिवर्तित नाम २०८३/०८४-७१ मालाखेती ८ (क) को स्वास्थ्य परिक्षण पश्चात पिडितलाई निजको आमा परिवर्तित नाम २०८३/०८४-७१ मालाखेती ८ ले जिम्मा बुझी लिएको, प्रतिवादीहरु भागी फरार रहेको र निजहरुको खोजतलासको लागि इलाका प्रहरी कार्यालय मसुरिया कैलालीबाट प्र.ना.नि. बिर बहादुर बिष्ट (९८४८७४७३२१) को कमाण्डमा - ४ जनाको प्रहरी टोली खटिई गएको, ।

बाँके, मिति २०८३।०४।२० गते जि. सुर्खेत गुर्भाकोट न.पा.-१४ गुमी बिशाल चोक घर भई हाल जि.बाँके बैजनाथ गा.पा.-५ जि गाउँ स्थित निजको दिदीको घरमा बस्दै आएकी अं. वर्ष २१ की महिलालाई निजको कोठामा जि. बर्दिया मधुवन न.पा.-१ बस्ने वर्ष १९ को बालकले ज.ज.क. गरेको भनि ऐ. ०४।२२ गते १७:०० बजे इ.प्र.का. कोहलपुरमा पीडित स्वयम् आई जाहेरी दिनासाथ इ.प्र.का. कोहलपुरबाट प्र.नि.को कमाण्डमा टोली खटि गई पीडकलाई जि. बाँके बैजनाथ गा.पा.-५ स्थित जि गाउँबाट नियन्त्रणमा लिई इ.प्र.का. कोहलपुरमा ल्याइएको, अनुसन्धान कार्य भइरहेको, पीडितको अवस्था सामान्य रहेको,।

झै-झगडा तथा कुटपिट,

तनहुँ, भिमाद न.पा.-६ आदर्श टोल बस्ने अं. वर्ष ७५ को खिम ब.नेपालीले आफ्नै श्रीमती अं. वर्ष ७० की बि माया नेपालीलाई घाँटीमा हसिया प्रहार गरी घाइते भई उपचारको लागी जि.पी.कोइराला राष्ट्रिय श्वास प्रश्वास उपचार रोग केन्द्र झरौटा लगेको भन्ने ऐ. २३:२० बजे इ.प्र.का. भिमादमा खबर प्राप्त हुनासाथ प्र.ब.ना.नि.को कमाण्डमा टोली खटि गएको, हसिया प्रहार गर्ने व्यक्तिलाई ऐ. २३ गते ००:५० बजे म्याग्दे गा.पा.-५ याङदी स्थित बहिनी डल्ली नेपालीको घरबाट नियन्त्रणमा लिई इ.प्र.का. भिमादमा ल्याई राखिएको, घाइतेको अवस्था (बोल्न नसक्ने) गम्भीर रहेकोमा ऐ.२३ गते ००:२५ बजे थप उपचारको लागी मणिपाल हस्पिटल पोखरा पठाई उपचार भइरहेको, अवस्था सामान्य सुधार रहेको, उपचारमा छोरी सोम माया नेपाली संलग्न रहेको,।

गोली लागि मानिस मृत्यु,

सल्यान, कालिमाटी गा.पा.-३ स्थित धरानी सामुदायिक वनमा ऐ. वडा नं.-२ बराहढुंगा बस्ने अं. वर्ष ६२ को टोप ब. पुन मगर साथीहरूसँग शिकार गर्न भनि सो जंगलमा गएकोमा शिकार खेल्ने क्रममा निजहरूले बोकेको भरुवा बन्दुकबाट गोलि चल्दा निजको पेटको तल कम्मरको भागमा गोलि लागि मृत्यु भएको भन्ने ऐ. २२:०० बजे इ.प्र.का. कालिमाटीमा जानकारी प्राप्त हुनासाथ प्र.ब.ना.नि.को कमाण्डमा टोली घटनास्थल तर्फ खटि गई शिकार खेल्न गएका जि. सल्यान कालिमाटी गा.पा.-३ बल्ले बस्ने अं. वर्ष ५६ को मान ब. बि.क. लगायत ६ जना मानिसहरूलाई नियन्त्रणमा लिई इ.प्र.का. कालिमाटीमा ल्याई राखिएको, उक्त घटनास्थलमा दुईवटा भरुवा बन्दुक तथा मृतकको शव घटनास्थलमा रहेको, घटनास्थल सुरक्षित राखिएको, ऐ. २३:३० बजे थप अनुसन्धानको लागी इ.प्र.का. लुहामबाट प्र.नि.को कमाण्डमा SOCO सहित ११ जनाको टोली खटि गएको,।

ला.औ.,

खोटाङ, दिक्तेल रुपाकोट मझुवागढी न.पा.७ वालिङ स्थित मध्यपहाडी लोकमार्गमा शंकास्पद अवस्थामा रोकिराखेको प्र.१-०२-००२ ख ००८३ नं. को ट्रकलाई जि.प्र.का.बाट प्र.नि. को कमाण्डमा खटिएको टोलीले शंका लागि चेकजाँच गर्दा चालक बस्ने भाग र पछाडि ढालाको बीचको भागमा फल्स बटम बनाई लुकाई छिपाई राखेको अवस्थामा गाँजा फेला पारी ट्रक नियन्त्रणमा लिई जि.प्र.का.मा ल्याएको, उक्त ट्रकको चालक र धनीको खोजी कार्य भईरहेको, उक्त गाँजा १३ सय १५ किलो रहेको,।

सप्तरी, प्र.चौ. झुट्कीबाट प्र.ना.नि. र सशस्त्र प्रहरी बल बनेनिया सप्तरी बेश क्यामबाट स.प्र.नि.को कमाण्डमा खटि गएको संयुक्त टोलीले गस्ती गर्दै जाने क्रममा जि. सप्तरी राजगढ गा.पा.-१ कजराहा टोल स्थितमा पश्चिमतर्फ नहरको छेउमा बेवारिसे अवस्थामा ५ बोरा ला.औ. (गाँजा)को बोरा सहित तौल गर्दा १९६ के.जि. ५७० ग्राम र बोरा बाहेक १९० के.जि. ५२० ग्राम फेला पारी नियन्त्रणमा लिई प्र.चौ. झुट्कीमा ल्याई राखिएको,।

सम्बन्धित समाचार

नेपाल प्रहरी केन्द्रीय विधि विज्ञान प्रयोगशाला

२०८३-०५-२८

मिति २०८३ भदौ २८ गते आइतबार नेपाल प्रहरी प्रधान कार्यालय, अपराध अनुसन्धान विभागका विभागीय प्रमुख, प्रहरी अतिरिक्त महानिरीक्षक डा. मनोज कुमार के.सी. ज्यूबाट रसुवा भोटेकोशी बाढीमा ज्यान गुमाएका मृक्तकहरुको DNA नमुना संकलन र परीक्षण भइरहेको कार्यस्थल नेपाल प्रहरी केन्द्रीय विधि विज्ञान प्रयोगशाला, सामाखुसी को अवलोकन तथा निरीक्षणका साथै कार्यरत विशेषज्ञहरूसँगको अन्तरक्रिया कार्यक्रम सम्पन्न भएको ।

साप्ताहिक बैठक

२०८३-०५-२६

मिति २०८३ भदौ २६ गते शुक्रबार नेपाल प्रहरी प्रधान कार्यालय, अपराध अनुसन्धान विभागका विभागीय प्रमुख, प्रहरी अतिरिक्त महानिरीक्षक डा. मनोज कुमार के.सी. ज्यूको अध्यक्षतामा अपराध अनुसन्धान विभाग अन्तर्गतका निर्देशनालय, महाशाखा तथा शाखाका प्रमुखसहितको उपस्थितिमा साप्ताहिक बैठक सम्पन्न ।

DNA विशेषज्ञहरु संगा छलफल तथा अन्तरक्रिया कार्यक्रम

२०८३-०५-२६

मिति २०८३ भदौ २६ गते शुक्रबार नेपाल प्रहरी प्रधान कार्यालय, अपराध अनुसन्धान विभागका विभागीय प्रमुख, प्रहरी अतिरिक्त महानिरीक्षक डा. मनोज कुमार के.सी. ज्यूको प्रमुख आतिथ्यतामा रसुवा भोटेकोशी बाढी सम्बन्धी मृतकहरुको पहिचानको लागि संकलित DNA नमूनाहरुको शीघ्र परीक्षण प्रयोजनार्थ, Indian, Chinese DNA विज्ञहरु, नेपालको NFSL (National Forensic Science Laboratory) र NPCFSL (Nepal Police Central Forensic Science Laboratory) विशेषज्ञ सहितको छलफल अन्तरक्रिया तथा बैठक सम्पन्न ।

कागज धुल्याउने सम्बन्धी समितिको दोस्रो बैठक

२०८३-०५-२५

सरकारी कागज धुल्याउने नियम, २०२७ तथा नेपाल प्रहरीको कागज धुल्याउने सम्बन्धी प्रतिवेदन, २०८० बमोजिम कागजातहरूको वर्गीकरण तथा आवश्यक प्रक्रिया पूरा गरी धुल्याउनुपर्ने कागजातहरू सम्बन्धित कार्यालय तथा विभागीय प्रमुखहरूको सिफारिसका आधारमा धुल्याउने कार्यका लागि गठित समितिका संयोजक विभागीय प्रमुख प्र.अ.म.नि डा. मनोज कुमार के.सी. ज्यूको प्रमुख अतिथ्यतामा बैठक बसी प्राप्त विवरण सहितको प्रतिवेदन प्र.म.नि.ज्यू समक्ष पेश गर्ने निर्णय भएको (मिति २०८३।०५।२५ गते ।)

मिति २०८३।०५।१५ गते ०५:०० बजे देखि २०८३।०५।१६ गते ०५:०० सम्मका मुख्य आपराधिक घटनाहरु

२०८३-०५-१६

ज.ज.क./बाल यौन दुर्व्यवहार,सिन्धुली, कमलामाई न.पा.४ गणपती होटल पछाडि रहेको झोलुङ्गे पुलमुनि ग्वाङ् खोलामा वर्ष १० की बालिका र निजको साथी वर्ष ९ की बालिका समेत नुहाईरहेको अवस्थामा ऐ.दुधौली न.पा.३ बस्ने वर्ष २३ को भक्त बहादुर कार्कीले आफ्नो कपडा खोली खोला भित्रै पानीमा वर्ष १० की बालिकालाई जबरजस्ती करणी गरेकोमा निज बालिका रोई कराई गरेको अवस्थामा सोही ठाउँमा माछा मार्ने मानिसहरुले देखी निजलाई नियन्त्रणमा लिई प्र.चौ.ढुङ्ग्रेबासमा टे.फो.मार्फत जानकारी गराउनासाथ प्र.स.नि.को कमाण्डमा टोली खटी गई निज भक्त बहादुर कार्कीलाई नियन्त्रणमा लिई जि.प्र.का.मा ल्याई ऐ.०५/१५ गते दिन ५ म्याद थप गरी अनुसन्धान कार्य भईरहेको,। संखुवासभा, भोटखोला गा.पा.०४ घर भई हाल जि.संखुवासभा मकालु गा.पा.०५ बस्ने अ.वर्ष ४३ को किरण तामाङले वर्ष २७ की महिलालाई ज.ज.क.गरेको भन्ने खबर प्राप्त हुनासाथ प्र.चौ.नुम संखुवासभाबाट प्र.स.नि.को कमाण्डमा टोली खटी गई पिडकलाई नियन्त्रणमा लिई आ.अ.भईरहेको । उदयपुर, न.पा.वडा न.६ शिखरटोल बस्ने वर्ष १५ की बालिकालाई जिल्ला उदयपुर बेलका न.पा. वडा न.०६ कात्तिके बस्ने वर्ष २१ को लाक्पा तामाङले ज.ज.क गरेको भन्ने खबर प्राप्त हुनासाथ इ.प्र.का. रामपुरठोक्सिला उदयपुरबाट प्र.नि.को कमाण्डमा टोली खटी गई पिडकलाई नियन्त्रणमा लिई आ.अ.भईरहेको,बालिकाको अवस्था सामान्य रहेको । धरिलो हारहतियार प्रहार,बाँके, बैजनाथ गा.पा.८, गुरदयालपुर बस्ने वर्ष ४० की ठगनी थरुनीले निजको श्रीमान वर्ष ४३ को जंग बहादुर थारुलाई घरायसी विवाद हुँदा धारिलो हतियार (बन्चरो) ले टाउकोमा प्रहार गरी घाईते बनाएको भन्ने खबर प्राप्त हुनासाथ प्र.चौ.रनियापुरबाट प्र.ह.को कमाण्डमा टोली खटी गई निज घाईतेलाई उपचारको लागी संजिवनी कलेज अफ मेडिकल साईन्सेज प्रा.लि. नेपालगंज, बाँकेमा पठाईएको, अवस्था गम्भीर, निज ठगनी थारू र निजले प्रयोग गरेको हतियार नियन्त्रणमा लिई इ.प्र.का.घनौलीमा पठाईएको,। मुस्ताङ, घरपझोङ गा.पा. वडा नं. २ मार्फा स्थितमा ऐ.बस्ने बर्ष अं. २८ को रोशन मगरले ऐ.ऐ. बस्ने बर्ष अं. २८ को राजेन्द्र परियारलाई धारिलो हतियार खुकुरीले टाउकोमा प्रहार गरी गम्भिर घाईते भएको छ भन्ने जानकारी प्राप्त हुनासाथ जि.प्र.का. मुस्ताङ बाट प्र.नि. ईश्वर महतको ( ९८५६०९१००६ ) कमाण्डमा ७ जनाको टोलि खटिई गई घाईतेलाई मार्फा स्वास्थ्य चौकीमा सामान्य उपचार पश्चात थप उपचारको लागि प्रदेश अस्पताल जोमसोम मुस्ताङ पठाईएको, धारिलो हतियार खुकुरी प्रहार गर्नुको कारण नखुलेको,दुवै जनाले मा.प.से. गरेको,उपचारमा घाईतेको आफन्त संलग्न, धारिलो हतियार खुकुरी प्रहार गर्ने व्यक्ति,खुकुरी जि.प्र.का. मुस्ताङको नियन्त्रणमा रहेको । ऐ.०३:४३ बजेको समयमा घाईते थप उपचारको लागि पोखरा रिफर भएको, उपचारमा श्रीमती निरमाया परियार (९७६३२७०१५४) संलग्न । हाम फाली बेपत्ता,सोलुखुम्बु, महाकुलुङ गा.पा.-५ चाचालुङ बस्ने सुमित कुलुङकी श्रीमती वर्ष अ.१८ की सम्झना नाछिरीङ राई श्रीमान-श्रीमतीबीच घरायासी विवाद भई श्रीमती ऐ. सोताङ गापा-४, नाम्लुङ माईती घर गएकोले श्रीमान पनि सँगै जाँदै गर्दा ऐ. महाकुलुङ गा.पा.५ र सोताङ गा.पा.४ को सिमाना स्थित गुदुङ खोलाको पुलबाट निज श्रीमती सम्झना नाछिरीङ राईले खोलामा हाम फाली बेपत्ता भएको भन्ने खबर प्राप्त हुनासाथ इ.प्र.का. सोताङबाट प्र.नि.को कमाण्डमा टोली खटी गएको, । लागु औषध,उदयपुर, कटारी न.पा.६ बाँकेटार शान्तिवन स्थित वनभित्र ला.औ. गाँजा ओसारपसार भइरहेको भन्ने सूचनाको आधारमा इ.प्र.का. कटारीबाट प्र.नि.को कमाण्डमा २० जनाको टोली खटी गई उक्त वनभित्र खो.त.गर्दा बा १६ च ५२६९ नं.को बोलेरो गाडी र गाडी नजिकै जंगलमा विभिन्न स्थानमा लुकाई छिपाई राखेको ला.औ. गाँजा ५२ बोरा शुद्ध तौल ११२२ के.जि. ६७ ग्राम गाँजा र सोही स्थानमा ऐ. ताप्ली गा.पा. १ डाँडागाउँ बस्ने वर्ष ५५ को राम बहादुर मगर सहित ३ जनालाई फेला पारी ला.औ., गाडी सहित तीनै जनालाई इ.प्र.का. कटारी ल्याई अनुसन्धान भइरहेको, । न.प.पश्चिम, नवलपरासी (ब.सु.प.) रामग्राम न.पा.०१ निलोगेट स्थितमा ला.औ.कारोबार भईरहेको भन्ने खबर प्राप्त हुनासाथ ला.औ.नियन्त्रण ब्युरो शाखा कार्यलय भैरहवा रुपन्देहीबाट प्र.ना.नि.को कमाण्डमा २ जना र जि.प्र.का.नवलपरासी (व.सु.प) बाट प्र.ना.नि.को कमाण्डमा ५ जनाको टोली खटी गई परासी देखि सुनवल तर्फ जादै गरेको भारतिय UP 56 AH 6189 न.को मो.सा.लाई रोक्न खोज्दा उक्त मो.सा.नरोकी भाग्ने क्रममा मो.सा.छाडी मो.सा.चालक देश भारत उत्तर प्रदेश जिल्ला महाराजगंज सेखली बस्ने वर्ष अं. ३३ को गिरिजेस श्रीवास्तव र सोही मो.सा. पछाडी सावर देश भारत उत्तर प्रदेश जिल्ला महाराजगंज निचलौल बस्ने वर्ष अं. २७ को दिपक भन्ने मिधलेस श्रीवास्तव भाग्दै गर्दा ब्यारेट पेस्तोलबाट ४ राउण्ड हवाई फाएर गरी निजहरुलाई रितपुर्वक नियन्त्रणमा लिई चेकजाँच गर्दा ब्राउन सुगर जस्तो देखीने खैरो गिलो पदार्थ प्लाष्टिक रहितको तौल १५८ ग्राम नियन्त्रणमा लिई जि.प्र.का. नवलपरासीमा ल्याई राखिएको,चोटपटक कसैलाई केही नभएको ।

मिति २०८३।०५।१४ गते ०५:०० बजे देखि २०८३।०५।१५ गते ०५:०० सम्मका मुख्य आपराधिक घटनाहरु

२०८३-०५-१५

ज.ज.क./बाल यौन दुर्व्यवहार,दाङ, मिति २०८२।११।०४ गते बिहान अं. ०४:०० बजेको समयमा जि. दाङ, राजपुर गा.पा.७ मनोहरा स्थित भैसाहीदेखि भौवानाका जाने बाटोमा पर्ने पुर्णबहादुर रोकाले घर बनाएको पुरानो स्थान नजिकैको जंगलमा ऐ. राजपुर गा.पा.७, भौवानाका बस्ने वर्ष ३७ की महिलालाई ऐ. राजपुर गा.पा.७ भित्री सिक्टा बस्ने वर्ष ३२ को जनक कुमालले ज.ज.क. गरेको भनि आज मिति २०८३।०५।१४ गते १७:३० बजे निज पीडितले आफैं इ.प्र.का. गढवामा लिखित जाहेरी दरखास्त दिएपश्चात् प्र.नि.को कमाण्डमा प्रहरी टोलि खटि गई पिडक जनक कुमाललाई ऐ. गढवा गा.पा.६ गढवा बजारमा हिँडिरहेको अवस्थामा फेला पारी नियन्त्रणमा लिई आ.अ.कार्य भईरहेको, पीडितको अवस्था सामान्य रहेको र निज पीडित गर्भवती रहेको, पीडित पीडक दुवैको मेडिकल परीक्षण हुन बाँकी रहेको । सिन्धुपाल्चोक, लिसंखुपाखर गा.पा.७ धामीटोल बस्ने वर्ष ३६ को पुरुषले कान्छी श्रीमतीको छोरी वर्ष १७ की बालिकालाई बाल यौन दुर्व्यवहार गर्ने प्रयास गरेको भनि ऐ.१९:०० बजे खबर प्राप्त पश्चात प्र.चौ.ठुलोपाखरबाट प्र.स.नि.को कमाण्डमा टोलि खटि गई पिडकलाई नियन्त्रणमा लिई थप अनुसन्धान भईरहेको । सुन बरामद,काठमाण्डौं , हिमालयन एयरलाईन्सको उडान द्धारा कतारको हुदै काठमाडौं आएका जिल्ला सर्लाही मलंगवा न.पा.३ बस्ने मोहम्मद जसिम फकिरले सुनजस्तो देखिने पहेलो धातुको जस्तो देखिने सिक्री थान १ (अं.२५ ग्राम) ल्याएकोमा निजलाई संका लागी सोधपुछ गर्दा निजले भरियाको रुपमा उक्त सुन ल्याएको भनि मुखसावित वताएकोले निजलाई आवश्यक अनुसन्धानको लागी नियन्त्रणमा लिई भन्सार कार्यालय बन्द भएको कारण दिन एक सुरक्षित साथ राख्नका लागि प्रहरी वृत्त गौशला पठाएको । काठमाण्डौं, का.म.न.पा.९ एयरपोर्ट स्थित हिमालयन एयरलाईन्सको उडान द्धारा कतार हुदै काठमाण्डौ आएका यात्रुहरुलाई प्रयोग गरी नेपालमा सुन ओसारपसार गरी कारोबार गर्ने सिरहा जिल्ला सिरहा न.पा.७ घर भई बस्ने वर्ष ३४ को सन्तोष कुमार यादवले त्रिभुवन अन्तर्राष्ट्रिय विमानस्थलको अन्तर्राष्ट्रिय आगमन तर्फको पार्किङ क्षेत्रमा बाह्‍य मुलुकबाट आगमन भएका यात्रुहरुले भन्सार छली गरी ल्याएको सुन जस्तो देखिने पहेँलो धातुको सिक्रि थान १ अं.तौल २५ ग्राम रिसिभ(संकलन) गरी अवैध रूपमा लैजान लागेको अवस्थामा नियन्त्रणमा लिई भन्सार कार्यालय बन्द भएकोले ऐ.१९:३० बजे प्रहरी वृत्त गौशला पठाएको । कैदी मृत्यु,चितवन, चितवन कारागार ल्याएको कर्तव्य ज्यान केसको कैदि वन्दि क्यान्सर विरामी जि.पर्वत फलेवास गा.पा.२ वतन भएको वर्ष ४२ को बिनोद विक्रम कुवर मिति २०८३/०३/२२ गते देखि बि.पि कोईराला मेमोरियल क्यान्सर अस्पतालमा उपचार भई रहेकोमा ऐ.१४ गते उपचारको क्रममा मृत्यु भएको,शव सोहि अस्पतालमा रहेको,आफन्तहरु सगै रहेको । हतकडी सहित मानिस फरार,झापा, बिर्तामोड न.पा.८ स्थित देउनिया नजिकबाट चोरीमा संलग्न ऐ.भद्रपुर न.पा.१० बस्ने बर्ष २४ को सन्देश हस्दालाई अ.प्र.चौ.गरामनीबाट प्र.स.नि.को कमाण्डमा खटिएको प्रहरी टोलिले नियन्त्रण लिने क्रममा हतकडी सहित फरार भएको हुँदा इ.प्र.का.अनारमनीबाट प्र.ना.उ.को कमाण्डमा, जि.प्र.का.झापाबाट प्र.ना.उ.को कमाण्डमा र मातहत समेतबाट प्रहरी परिचालित गरी चेकिङ सहितको डिउटी निकाली खोजतलास भईरहेको । अस्पतालबाट बच्चा चोरी भएको,पर्सा, जि. सर्लाही रामनगर गा.पा.३ बहुअर्वा बस्ने रन्जय दासको श्रीमती अं.वर्ष २७ की रिन्कु देवीले मिति २०८३/०५/१३ गते अं.२३:०० बजे जि.पर्सा विरगंज म.न.पा.०४ स्थित नारायणी अस्पतालमा शल्यक्रियाबाट नवजात शिशु (छोरा) जन्मिएकोमा ऐ.०५।१४ गते अं.१५:०० बजे अपरिचित अं.वर्ष ३५ की महिलाले बच्चा खेलाउछु भनि शिशुको हजुरआमासँग मागी बच्चा लिई गएकोमा हालसम्म सम्पर्कमा नआएकोले चोरी भएको भनि ऐ.१६:४५ बजे ऐ. अस्पतालमा खटिएको प्र.क.लाई जानकारी गराउनासाथ व.प्र.का.बिर्ताबाट प्र.नि.को कमाण्डमा टोलि खटि गई बुझ्ने तथा खोजतलास कार्य भईरहेको । लागु औषध,कञ्चनपुर, भि.न.पा.११ होल्डिङ्ग सेन्टर (७ नं.पिल्लर) स्थित इ.प्र.का.गड्डाचौकीबाट प्र.ब.ना.नि.को कमान्डमा खटिएको प्रहरी टोलिले भारतबाट नेपाल आँउदै गरेको से. ६ प १५४९ नं.को मो.सा.चालक जि. कैलाली गोदावारी न.पा.०४ बस्ने अं.वर्ष २६ को प्रभाष मल्ल र सोही मो.सा.मा पछाडी सवार जि. डोटी जोरायल गा.पा.०१ बस्ने अं.बर्ष २६ को बिक्रम पातलीलाई शंका लागी चेकजाँच गर्दा शुद्ध तौल ६.५७ ग्राम खैरो हिरोइन जस्तो देखिने लागुऔषध सहित बरामद गरी आवश्यक कार्बाहीको लागि जि.प्र.का. पठाईएकोमा, ऐ. १९:३०बजे सोधपुछको क्रममा निज वर्ष २७ को प्रभास मल्ल कम्प्युटर कोड नं.६३६४२ को स.प्र.बल नेपाल नं.३५ गण हे.क्वा. शैलेश्वरी झलारी कञ्चनपुर दरबन्दी भई नं.५२ गुल्म हे.क्वा. डडेल्धुरामा कार्यरत स.प्र.ज. रहेको भन्ने बुझिएको । पर्सा, वीरगञ्ज म.न.पा.१६ माईधिया पोखरी अगाडि सडक-खण्डमा बसपार्क तर्फ पैदल आउँदै गरेको देश भारत विहार राज्य जिल्ला पूर्णिया थाना सदर ग्राम हाजिरगञ्ज वडा नं.४५ बस्ने वर्ष १९ को कृष्णा कुजुँर लगायत ३ जना व्यक्तिहरू माथि शंका लागि जि.प्र.का.बाट खटिएको प्र.नि.को विशेष टोलिले रोकी चेकजाँच गर्दा निजहरूको साथबाट ला.औ.ब्राउन सुगर जस्तो देखिने गिलो पदार्थ १०० ग्राम फेला पारी बरामद गरी ला.औ. सहित ३ जनालाई नियन्त्रणमा लिई जि.प्र.का.मा ल्याई थप अनुसन्धान कार्य भईरहेको ।